$بووشی باوک سیستەمی نوێی جیهانی ڕاگەیاند و ترەمپ هەڵیوەشاندەوە$
#محەمەد ڕەئوف محەمەد#
#15-10-2019#
چەند ساڵێک لەمەوبەر بیرۆکەی بیردۆزێکی سیاسیم لە دوو توێی نامیلکەیەکدا خوێندەوە، کە باس لەوە دەکات باشترین جێگرەوە و ئەڵتەرناتیف چییە و کێیە بۆ ئەمریکا و ڕۆژاوا، بیرۆکەی ئەو بیردۆزە و نەخشەڕێگەکەی لەوێوە سەرچاوەی گرتووە کە ئەمریکا بە بەرنامە و نیازێکی خراپەوە دەستکاریی ڕۆژهەڵاتی ناوەڕاست دەکات و ئیشی نە بە گەلانی ئەم ناوچەیە هەیە و نە سەقامگیری دەوێت، لەکاتێکدا بەئاسانی دەتوانێت پشتگیری ئاساییش و ئارامی و گەشەسەندنیش بکات و لەبەریشی دەڕوات، ئەی مەگەر لە ماوەی 40 ساڵی ڕابردوو هەموو گۆڕانکارییەکانی ڕۆژهەڵاتی ناوەڕاست هەر لە ئەفغانستانەوە شەڕەکانی کەنداو و تا گۆڕینی ڕژێمی ئێراق و بەهاری عەرەبی و دوای بەهاری عەرەبیش هەر هەمووی دەستی ئەمریکای لە پشتەوە نەبوو؟ بەڵام کامیانی گەیاندە دەرئەنجامی سەقامگیری و ئاساییش و سەروەریی؟ نە هەرئەوەندە بەڵکوو هەربە و سیاسەتەی کە دەمێکە باوەڕی پێیەتی مامەڵەی هێزە ناوخۆیی و هەرێمایەتی و جیهانییەکانی کرد کە بریتییە لە ئیدارەدانی هاوکێشەکان نەک چارەسەر و بنبڕکردنیان، لێرەوە دەڕۆمەسەر بیرۆکەی بیردۆزەکە و دەڵێت (مێژووی کۆن و نوێی ئەمریکا سەلماندی، کە دەبێت هەموو دەوڵەت، نەتەوە، ئایین و ئایینزاکانی ڕۆژهەڵات لەیەک هاوپەیمانی گشتگیری سیاسی کولتووری و ژیاریدا کۆببنەوە لە ڕووسیا و ڕۆژهەڵاتی ئاسیاوە تا مەغریبی عەرەبی چونکە ئەم بەشەی گۆی زەوی لەڕووی قیەم، بەها، کولتوور، ڕەگ و ڕیشەی ئایینییەوە بەیەک دەچوون و لەیەکدی نزیکترن تا لە ڕۆژاوا) .
ئێستا ئەم بەشەی گۆی زەوی کە ڕۆژهەڵاتە هەر هەمووی پڕ و تووڕەیە لە ڕۆژاوا هەریەکەیان بەجیا دەناڵێنێت بەدەست ئەمریکاوە و دەمێکە بیر لەچارەسەر دەکەنەوە، بەڵام لەبەر پەرتەوازەییان تاوەکوو ئێستا نەیانتوانیوە خاوەنی هەڵوێستێکی یەکگرتوو بن و بەتەنیاش هیچکامیان هیچیان پێناکرێت، بەڵام ڕووسیا هەلومەرجی بۆڕەخساوە بیریش لە ڕۆڵی نوێ و تۆڵەش دەکاتەوە. ئێران، تورکیا، کەنداو، ئەندەنووسیا و ڕۆژهەڵاتی ناوەڕاستیش بەگشتی وان لە بیری چارەسەر و دەرچەیەکدا و شپرزەییەکانی ئەمریکا و گۆڕینی هێزە نێودەوڵەتییە تۆکمەکەی بۆ شەڕی نابەرابەریی هەرێمایەتی و بچووک و چەقین و سەرنەکەوتنە یەک لەدواییەکەکانی و سەرقاپ نانەوەی ترەمپیش بەمشێوەیەی ئێستا دەستی داوەتێ، پێدەچێت ئەو بیردۆزە دەوڵەمەند بکات و خاوەنی بۆ زۆر کات و ترەمپیش مێشێک میوانی نییە و پێوەرەکانی ئەو تەنیا قازانج و درووستکردنی هەلیکارە بۆ ناوخۆی ئەمریکا و نایەوێت باجی کوێخایەتی و ڕیشسپێتی دونیا بدات، کە ئەمریکا زیاد لە 100 ساڵە هەوڵی بۆداوە و باج و خەرجی گەورەی لەسەر کردووە.
لەم خۆسەرقاڵکردنانەی ئەمریکا بێ دەرئەنجام دەستی داوەتێ و، کات و پارەی پێوە خەرجکردووە و هیچ باکیشی نییە و نەبووە، تاکەی درێژەدات بە جەنگە بێ کۆتاکان و ماف و سەروەری گەلان لای ئەو یەکسان نییە بەقازانج و ساخکردنەوەی کاڵا و شمەکەکانی، لەم کاتەدا و لەم 40 ساڵ%D
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 466 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!