کاریگەری ئایینو میترایی سەرو ئایینەکا دمای وېش:
کاریگەری ئایینو میهری سەرو فرەو دینەکا دمای وېش بەرمەگنۊ، پەی نموونەی کاریگەریش سەرو مەسیحیەتی، زیاتەریچ دلۍ (کارە هونەرییەکا، پەرسگاکۍ، ئەرەمەرزیا ئایینیەکۍ) دیار و ئاشکەران، هەر چېگەنە ئیشارەت مڎەیمۍ پانەیە کە (میهر) دلۍ باوەڕو دینو زەردەشتیەکانە یۊن جە (یەزد- یەزت- ئێزد) ەکا، جە باوەڕو خاوەن ئایینو مانیەکاچەنە، پېخامئاوەرەن.
سروودە کۊنەکا ئاوېستاینە سروودێ هەنە پەنەش ماچان (میهریەشت) ، چی سروودېنە گردو سیفەتەکا (میهری)، چەنی ئا هەرمانا کەردېنېش باسشان چەنە کریان، هامکات پېوەڼی میهری بە (ڕوجیار) یۆ باس کریان، پەی نموونەی چن سیفەتێ جە سیفەتەکا میهری کە دلۍ سروودەو (میهریەشت) ینە وزیێنۍ ڕوە:
جە ستایېش و پەرەساینە پایەو ئاهورامەزدایش هەن، بەخشندەی گۆرەن، هەزار گۊشۍ و دەهەزار چەمېش هەنۍ، چەمڎاریکەرو سەرزەمینو ئارییەکان، ئاشتی و جەنگو کیشوەرەکاش بە دەسەن، بەرەکەت بەخشەن.
میهر دلۍ ئەدەبېیاتو (رودائی-ویدا) نە خاوەنو دوۍ ئەرکە بنەڕەتیان:
1.حوکمڕانو ڕوحانی.
2.بەخشەندەو بەرەکەتی.[1]