حەفت وەلاتیێن کورد ل #ڕۆژهلاتێ کوردستان#ێ ژ بەر بەشدارییا د خوەپێشاندانێن سالا رابووری پشتی بوویەرا جان ژدەستدانا #ژینا ئەمینی# دە جەزایێ گرتیگەهێ و لێدانا قامچیان ل وان هات بڕین.
ل گۆر چاڤکانیێن ناڤخوە یێن رۆژهلاتێ کوردستانێ، ئەو 7 وەلاتیێن کورد خەلکێ باژارێ# پیرانشار#ێ ل پارێزگەها #ورمێ# نە و د خوەپێشاندانێن سالا ڕابووری دە هاتنە گرتن.
ل گۆر ڕێخستنا هەنگاوێ بۆ مافێن مرۆڤان، ئەو 7 وەلاتیێن کورد ژ ئالیێ دەستهلاتا ئیرانێ ڤە ب «تێکدانا ئەولەهیا گشتی یا دەولەتێ، دەرباسکرنا سینۆران ب ئاوایەکی نە قانوونی، چێکرنا کۆکتۆل مۆلۆتفان، چێکرنا چەکان و هلگرتنا فیشەکان ل جەم خوە» هاتنە تۆهمەتبار کرن.
هاتیە ڕاگهاندن کو دادگەها تاوانان یا پیرانشارێ ب گشتی «جەزایێ 15 سال زیندانێ، لێدانا 160 قامچیان و دایینا هن پەرەیان» ل وان 7 کەسان بڕیە.
تەها رەسوولیان، سینا دەشمیر، ئەحمەد عەبدوڵاهپوور، موحسن قادری، چیا شەهید ئەقدەم، عەبدوڵاﮪ قەنبەریوەند و مەحموود قەنبەریوەند دەستپێکا زڤستانا سالا 2022ێ هاتبوون دەستەسەر کرن و پاشێ ب مەرج و ب دانینە رەهینەیێ ب ئاوایەکی دەمکی هاتبوون بەردان.
ل گۆر رێخستنێن مافێن مرۆڤان، عەبدوڵاﮪ قەنبەریوەند و مەحموود قەنبەریوەند خوەدی پێویستیێن تایبەتن و تەها رەسوولیان ژی چالاکڤانەکی سڤیل و هونەرمەندە.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کرمانجی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ 452 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!