کەنووڵە :
دەگاو (کەنووڵە) ی دوەسەڎ یانېنە، نزیکەو دوۍ هەزار نەفەرېش چنە مژیوان، فەسڵەکا (وەهار و هامن) ینە با بە یەرۍ هەزار نەفەرۍ.
ۋیەردەو کەنووڵەی گېڵۆوە پەی دەورانو ساسانیەکا، ماچان: جە زەمانەو ئال بوویەینە ئەزنەو دماو وېران بېیەی ئاوەۮانە کریێنۆ، پاجۊرە کەکۊرناوە، قەڵاو ڕوکنولدەولەی بیېنە.
ئاسارو قەڵاو مەروانی قسۍ جە قەڎیمیش کەرۊ، ویس و شش کیلومەتری کەنووڵەیەو دەشتەو سەرسەوزەو دینەوەرینە.
کەنووڵە یەرێ مەحەلېش هەنۍ: مەحەلە چوەرینۍ،
مەحەلۍ مەخوولەی، مەحەلۍ سمایلەی و مەحەلە وارینۍ.
فرەتەرو یانەکاش بە خشتۍ هەڕینۍ کریێنېوە و بە دارۍ سەر گیریێنۍ.
کەمتەر یانېوە کەنووڵەنە موینی کە هێوانەش نەبۊ.
کسم و کارو خەڵکەکەیش، باخڎاری و حێوانداری، هەنگداری و قاڵی کەردەین.
مێڎان باریۍ کرماشانی فرېشا کەنووڵەیېنۍ.
باخۍ شۊرەتیېش: (بەردیا، دەرەو زاقای، دەرەو ئاساوی، دەرەو بزەرۊی، دەشتان، میران بەرو) .[1]