ئەجۊ ئاوی بەرۊ پەی ئایېرەمەلۍ:
باڵدارو ئایېرەمەلۍ وەختێ مەگېڵۊن پەی خوراکی سەرو زەمینیۆ، فرە بە پەلە ژڵېویۊو یاگێنە ساکنە مەبۊن، یانی دەنووک مڎۊ واردېوە یەکسەر ملۊ پەی یاگێ تەری، یاگېش فاڕۊن.
ئینجا کە واچیان چی ئاڼە پەلەتا، ئەجۊ ئاوی بەری پەی ئایېرەمەلۍ، یانی فریاش مەگنی ئاوەکېش پەی بنیەیرە، چوونکوم یاگۍ فاڕۊ و ملۊ پەی یاگێ تەری.
ئانەیچە بېیەن بە ئیدیۆمێ بەکارش ماران پەی ئا کەسا هەکە جە وەختو سەردای یاگێنە فرە مەنیشارەو زوو زوو ماچا دېرمانە ملای ملمۍ، پەوکەی ساحیب یانەکەیچ کەرۊوە جوابو ماچۊ: پەلە پەلو چېشیتەن، حۊ ئاوی مەبەری پەی ئایېرەمەلی تاکو فریاش گنی.[1]