ناونیشانی بابەت: دۆزینەوەیەکی نوێ لە ئەشکەوتی شانەدەر مێژووی ڕەگ و ڕیشەی گەلانی ناوچەکە بەتەواوی دەگۆڕێت
لە #ئەشکەوتی شانەدەر# لە چیای برادۆست لە خۆرهەڵاتی #هەولێر# ئێسکی مرۆڤێکی ڕاوچی کۆچەر دۆزراوەتەوە، کە مێژووەکەی دەگەڕێتەوە بۆ نزیکەی 12 هەزار و 500 ساڵ پێش ئێستا، لە پشکنینی DNAدا دەرکەوتووە، نەتەوەی کورد، بە دیاریکراوی کوردی شارەکانی باشووری کوردستان بە ڕێژەی لە 54% پەیوەستن بەم مرۆڤە دێرینەوە.
پ.ی.د. دڵشاد زاموا، شوێنەوارناس و مامۆستا لە بەشی شوێنەواری #زانکۆی سلێمانی# بە کوردساتی ڕاگەیاند: لەم سەردەمەدا زانستی شوێنەوارناسی لە توێژینەوە و ساغکردنەوەکانییدا پشت بە چەند زانستێکی تر دەبەستێت، یەکێک لەوانە زانستی DNA و جینەکانە.
لەبارەی توێژینەوە نوێیەکەی ئەشکەوتی شانەدەر، پ.ی.د. زاموا ڕایگەیاند: ئەم توێژینەوەیە لەلایەن تیمێکی بیانییەوە ئەنجامدراوە و پسپۆڕانی میسڕی و ئێراقی وردەکارییەکەیان پشتڕاستکردووەتەوە، کە تیایدا هاتووە؛ ئەم ئێسکەی ئەشکەوتی شانەدەر بە ڕێژەی لە 54% کوردی ئەم سەردەمەی شارەکانی کوردستانی باشوور پەیوەستن پێیەوە، ئەوەی جێی سەرنجە، هەر ئەم مرۆڤە باپیرانی ئەوانەشە، کە ئێستا لە زاگرۆس بە فارسی دەدوێن، هەروەها بەشێک لەوانەشی بە تورکمانی و عەرەبی دەدوێن.
سەبارەت بە گرنگیی ئەم توێژینەوەیە، مامۆستاکەی بەشی شوێنەواری زانکۆی سلێمانی ڕایگەیاند: ئەم دۆزینەوەیە لایەنی گرنگی زۆرە، هەموو بیردۆزەی ئاری و بەشێک لە هیندۆ ئەورووپی دەخاتە ژێر پرسیارەوە، بە تایبەتی کۆچی ئارییەکان، هەروەها بە بۆنەی ئەم دۆزینەوەیەوە دەرکەوت، کە کورد گەلێکی دێرینی ناوچەکەیە و مێژووی دەگەڕێتەوە بۆ زیاتر لە 12 هەزار ساڵ پێش ئێستا.
ڕاشیگەیاند: ئەم دۆزینەوەیە لایەنێکی گرنگتریش دەخاتەڕوو، ئەویش ئەوەیە ئێستا ئەو ئەگەرە بەهێز دەبێت، کە مرۆڤی ئەشکەوتەکانی زاگرۆس و #کوردستان# دواتر دابەزیون و کشتوکاڵیان داهێناوە و ڕۆیشتوونەتە باشووری مێسۆپۆتامیا و یەکەم لادێکانیان درووستکردووە، هەروەها لەوەش گرنگتر، ئەم مرۆڤە باپیری خەڵکانێکی تری دووری ناوچەکەیە و تا ناوەڕاستی ئەورووپا نەوەکانی بڵاوبوونەتەوە.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 852 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!