یەکیتیا نشتمانیا کوردستانێ (یەنەکێ) و پارتیا کارکەرێن کوردستانێ (پەکەکێ) ب رێیا گرووپێن خوەیێن سیاسی ب فەرمی ھەڤپەیمانیا خوە ل شنگالێ راگھاندن.
مەدیایا فەرمی یا (پەکەکێ) راگھاند کو ل شنگالێ د ناڤبەرا 7 گرووپێن کو قاشۆ نوونەراتیا پێکھاتەیێن (ئێزدی، مەسیحی، سوننی، شیعە و ترکمەن) دکن دە، ھەڤپەیمانیەک ھاتیە ئاڤاکرن! ل گۆر زانیاریان، ئەو حەفت ھێزێن کو پەکەکێ وەک “نوونەرێن خەلکێ دەڤەرا شنگالێ” ب ناڤ دکە، ھەموو گرووپێن یەنەکێ و پەکەکێ نە، ژ بەر وێ ژی ھەردو پارتیان ب فەرمی ھەڤپەیمانیا خوە راگھاندنە.
پارلامەنتەرێ پارتیا دەمۆکراتا کوردستانێ (پەدەکێ) ل پارلامەنتۆیا ئیراقێ شێروان دوبەردانی راگهاند: “ھەڤپەیمانیا پەکەکێ و یەنەکێ ل شنگالێ نە یاسایییە ژ بەر کو پەکەکە د لیستەیا تەرۆرێ دەیە و گرێدایی وەلاتەکی دەرڤەیی ئیراقێیە.”
ھەروھا شێروان دوبەردانی گۆت: “ئەڤ ناڤچە باجا یەنەکێ ددن، کو ب ڤی ئاوایی تەڤدگەرە، ژ بەر کو دخوازن دەنگ و کورسیێن کوردان ل ڤان دەڤەران لگەل پەکەکێ پارڤە بکن. نھا ژی دکەڤە رۆژەڤا پەکەکێ و حەشدا شەعبی کو ب ناڤێن جودا کۆمێن خوە ئاڤا کرنە و دکەڤن ھلبژارتنێ.
د بەردەوامیێ دە شێروان دوبەردانی دبێژە: “ترکیە ژ تفاقێ نیگەرانە و دێ کارڤەدانێ نیشان بدە، ئەڤ یەک دێ نە د بەرژەوەندیا گەلێ شنگالێ دە بە، ئەڤ رەوش دێ باندۆرەک نەرێنی بکە و دێ ببە سەدەما زێدەتر ڤەقەتیانا ڤان ھەرێمان ژ کوردستانێ. دبە کو ئەڤ ھەڤپەیمانی د ناڤبەرا ترکیا و ئیراقێ دە ببە سەدەما ئالۆزیان، بریارە د ڤان رۆژان دە سەرۆکۆمارێ ترکیێ سەردانا بەغدایێ بکە، یەک ژ وان مژارێن کو دێ هێن گۆتووبێژکرن، مژارا پەکەکێ یە کو نھا یەنەکە پشتگریا وێ دکە.”[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کرمانجی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ 483 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!