ناو: باقی
ناوی باوک: حەمەکەریم حەمەشەریف عەبدوڵڵا
ساڵی لەدایکبوون: 1939
ساڵی شەهیدبوون: 1986
شوێنی لەدایکبوون: گوندی #هێڵامپێ# ی شارەدێی #خورماڵ#
شوێنی شەهیدبوون: گوندی #گۆڵێ# ی شارۆچکەی #پێنجوێن#.
$ژیاننامە$
ساڵی 1939 لە گوندی هێڵامپێی سەربە شارەدێی خورماڵ لە دایکبووە، گوندنشین بووە و سەرقاڵی کەسابەتی سەر سنوور بووە لەنێوان وڵاتی ئێران و ئێراق، باقی حەمەکەریم کوڕێکی بەناوی # حەمەعەلی باقی حەمەکەریم حەمەشەریف عەبدوڵڵا# ساڵی 1981 شەهید بووە، ساڵی 1980 ئاوارەی وڵاتی ئێران بووە و لە نشینگەی گوندی #دزڵی# نیشتەجێ بووە، باقی حەمەکەریم حەمەشەریف خێزاندار بووە و خێزانی ناوی (ڕەعنا ئەحمەد) بووە و خاوەنی چوار کوڕ و سێ کچ بووە بەناوەکانی (حەمەعەلی، فەرەیدون، عیسا، دانا، پاکیزە، ڕەزیە و فەوزیە)
$خەباتنامە$
شەهید باقی حەمەکەریم، ساڵی 1981 بووەتە پێشمەرگە لە هێزی هەورامانی #پارتی دیموکراتی کوردستان#، کە لەو کاتەدا #نادر هەورامی# فەرماندەی هێز بووە، ناوبراو پلەی بەرپرسی مەفرەزەی سەر بە لقی چواری پارتی دیموکراتی کوردستانی وەرگرتووە و ئەرکیان پاسەوانی لق بووە.
ساڵی 1986 تۆپخانەکانی ڕژێمی بەعس بەچڕی تۆپبارانی سەنگەر و بارەگای پێشمەرگەی کردووە لە گۆڵێی سەربە شارۆچکەی پێنجوێن، چەند تۆپێک بەر بارەگای لقی چواری پارتی دیموکراتی کوردستان کەوتووە و لە ئەنجامی ئەو توپ بارانە باقی حەمەکەریم شەهید دەبێت. [1]