#بزووتنەوەی گۆڕان# بە تەنیا هاوپەیمانی لەگەڵ #یەکێتی نیشتمانی کوردستان# بۆ هەڵبژاردنی ئەنجوومەنی پارێزگاکان ناکات.
لە دواین کۆبوونەوەی نێوان شاندی گۆڕان و یەکێتی باسی ئەنجامدانی هاوپەیمانی لەنێوان هەردوولا بۆ هەڵبژاردنی ئەنجوومەنی پارێزگاکانی ئێراق کراوە.
لەو کۆبوونەوەیە بەرپرسانی گۆڕان جەختیانکردووەتەوە، ئەوان لەگەڵ یەک دەنگی هەموو لایەنەکانن بۆ هەڵبژاردنی ئەنجوومەنی پارێزگاکان و ئەگەر لیستی کوردی لە کەرکووک و ناوچە کێشە لەسەرەکان درووست بکرێت، ئەوە بەشێک دەبن لەو یەک دەنگییە.
لەبارەی ئەنجامدانی هاوپەیمانی لەنێوان گۆڕان و یەکێتی، بەرپرسانی گۆڕان جەختیانکردووەتەوە، کە بەهیچ شێوەیەک بەتەنیا هاوپەیمانی لەگەڵ یەکێتی ناکەن و ئەوەشیان وەک وەڵامی فەرمی بە بەرپرسانی ئەو حیزبە داوەتەوە. [1]