بە حاڵەتی ئاسایی برینی تامێسک بۆ ماوەی 14 ڕۆژ چالاکە و وەکوو خۆی دەمێنێتەوە، دوای ئەم ماوەیە شوێنەواری نامێنێت و بەرەو باشی دەڕوات. بەگشتی دەرمان و پۆماد زۆرە بۆ بنبڕکردنی تامێسک لە ماوەیەکی کەمدا.
بەگوێرەی زانیارییەکان، باشترین دەرمان بۆ چارەسەرکردنی تامێسک لە ماوەیەکی کەمدا سوودوەرگرتن لە خوێی دەریایە. کەمێک خوێی دەریا لەگەڵ ئاوی شلەتێن تێکەڵ بکە و برینی تامێسکەکەت بەم جۆرە خوێیە شێدار بکە. ئەگەر ڕۆژانە چەندینجار کەڵک لە خوێی دەریا وەربگری، تەنیا لە ماوەی 4- 5 ڕۆژ برینی تامێسک چاک دەبێت و هیچ شوێنەوارێکی نامێنێت. [1]