تاکو پیرێ مرۊن، هەزار گەنجۍ مران
ئی ئیدیۆمۍ فرەتەر پیرەژەنی ماچاش، چوونکوم ژیوای وېشا ئینا پایېزو عومریشانەو پەی دڵ وەشی ماچاش، لېوە تەرۆ خەڵک کە ماچان پیرە ژەنی و پیرە پیێ، ئیتر مەردەیشان ویر مەگنۊوە، پەی ڕەڎ دایۆ ئا خەڵکا، پیرە ژەنی پاسە ماچان.
فرەو جاری واتەکېشا ڕاسەنە، پەی نموونەی ئا گرد جەنگ و جەڵەبۍ کە ڕوە مڎان تەنیا گەنجەکېنۍ مەبانۍ بە سۊتەو جەنگەکەی، هەر گەنجەکېنۍ فرەتەر ژڵېوېنۍ، زېیاتەر توشوو کارەساتی و کوشتەی و مەردەی مەبانۍ، گەر سەرنجە بڎەیمۍ ژیوای مروڤەکا جە تەمەنو زارۊڵەییۆ تاکو پیری فرەتەرەن، یانی ژمارەو ئا کەسا کە چا تەمەنانە مران مەشۊم فرەتەرۍ بان جە تەمەنو پیری.[1]