دوعایا سبێ
ب دەستوری خودێ

سبەیه رۆژ زەرقی
نوور ژ نورێ شەفقی
مەلەک “ ئەمەرەدین “ ل بەر تفقی
* * *
سبەیه ڕۆژ هەلاتە
شوکرینا مه پێ هاته
* * *
مه ژ ناڤێ خودایێ شێشمس هێڤییانە
مه یەک سدقه و حەیا و ئیمانه
سبەیه رۆنییا شێشمس دبو بەیانه
ناڤ و دکارێ شێشمس دکەم سلاڤە
رۆناهیا شێشمس دابوو چاردە تەبەقێ عەرد وعەزمانە
* * *
ژ مالێ هەیا مالێ
شێشمس خودانێ سیقالێ
ئەم ژ شێشمس نا برین خەیالێ
* * *
ژ ده رجێ هەتا دەرەجێ
شێشمس خودانێ فەرەجێ
ئەم دەست و دامینا شێشمس تەواف دبین ;شونا برکا کابەتلا و هەجێ
* * *
ژ ستونێ هەتا ستونێ
چل مفتە هەنە ل هندورێ خزینێ
شێشمس دانە دەستێ مەعریفەتێ ، ناسینێ
* * *
چاڤا هەتا ب دەڤی
مۆرا شێشمس لێ دکەڤی
ژ محبەتا مێرا ، ملیاکەتا ، ناهێلن ئەم بنڤی
* * *
ژ دەڤی هەتا ب چاڤا
مۆرا شێشمس کرە ناڤا
یا شێشمس ئەڤ دنیایە ل با تە ئەو سەعاتە ئەو گاڤا !
* * *
سەری هەتا ب پێیا
ته ئەم نەقشاندین ، دانە نه سەری رێیا
مه و سونەتخانی ژته هیڤییه
* * *
یا شێشمس تە ئەم ئینانە سەر ڤێ خلمەتێ
بەر مە و سونەتخانێ ڤەکەی دەرگەهەکی رەحمەتێ
بپرسی حالێ مە و چەندی سونەتێ
* * *
سونەت کۆ سونەته
هەر ب زەبونه کێم تاقەتە
مه ب شێشمس ئەنیەتە
* * *
شێشمسۆ ! تویی ئەمینی
بەحرێت گران د مەهینی
سەد خۆزیکا منه ب وێ رحێ بدەیی و ژێ نه ستینی
زۆر دەرەجا ب گەهینی
* * *
یا شێشمس ! تو یی رەحیمی
خالقەکێ منێ قەدیمی
هەمو دەردا تویێ کەریمی
* * *
یا شێشمس تو یی رەحمانی
خالقەکێ منێ جانی
هەمو دەردا تویێ دەرمانی
هەمو مەخلوقا تویێ خودانی
* * *
یا شێشمس تو باڤێ من و چەند دەروێشا
قەلەندەرا ، فەقیرا ، شێخا ، پیرا ، ئەون کانی
* * *
یا شێشمس تو ل بانگێ گازی
ل گەل ئەختیارا ، رێوییا
ئە‌رکان سەکنی سەر ملێ قەلەندەرا
* * *
یا شێشمس تو مەفەری
یا خودێ تو خالقێ منێ هەر و هەری
تو رزقا د دەی ، رزقا دبەی
* * *
شێشمسێ منی نورینە
سە‌ر کورسییا زێری
کلیل و مفته ب دەستێ وینە
وێ ڤەدکە دەرێ خەزینا
خەلاتا ژێ دەرتینه
ئەم و سونەتخانه ژ ته ب هێڤینە
تو دەرمانێ هەمو برینا.

“ یێ تەمام خودێ یە “
[1]