دەنگ هینوو من نېیەن، دەنگ هینوو ئانەیتانە
دۆسێ ئازیز فەرماواش، یانەما سەڵواوا بۍ و بە قەومی یانەو کاک حەماحسەین کەیمنەیی یاوېنمۍ و لوېنمۍ یانەشا.
ماچۊ کاک حەماحسەینی فەرماواش ساڵەو (1348ک) من و کاک ئۆسمان و کاک شەفېع (برادران کەیمنەیی) دەعوەتێ ڕادیۊ کرماشانی بېنمۍ، ماچۊ ئېمە گۊرانیېما واتۍ و یۊتەر شۊنەو ئېمەرە ئاما گۊرانیېش واتۍ. ماچۊ من و ئوسمان پېوەرە گۊرانیۍ فرېما واتېنۍ، بەڵام تاکو ئیسە بە دەنگو کاک ئوسمانی مووچرکی نامێنۍ بەڎەنمەرە، وەلێم بە دەنگو ئا کابرایە کە نەشناسېنېش مووچرکی ئامێ بەڎەنمەرە و جە وەشی دەنگیش سەرەم سڕ مەن!!
ماچۊ وەختێ گۊرانیەکېش تەمامنێ و ئێستدیۆنە زیارە و پەرساما چەنە، واتش من حەسەن زەیرەکەنا!
ماچوو منیچ واتم ماشەڵڵا جە دەنگیت، دەنگت بۍ وېنەن! ماچۊ مەگیرە ئاڎیچ گۊشش جە گۊرانی واتەی ئېمەوە بېیەن و پەنجېش کېشنا پەی کاک ئۆسمانی و واتش: من دەنگم کۊن، من دەنگم کاما، دەنگ هینوو ئانەیتانە ئەجۊ بەقوو لانساریا!!
سوبحان ئەمینی.[1]