دەس کەرۊ گڵوەو شېریرە
دېیارەن شېر گېیاندارێ بەهېز و دڕەندەن، دلۍ دارەسانینە بە پاشاو گېیاندارا ئەشناسیان، هەم بەهېزەن، هەم هەڵمەت بەرەن. زەحمەتەن بنیاڎەم بتاوۊن نزیکو شېری بگنۊوە، چوونکوم ئامانش نېیەن. بڕێ کەسۍ هەنۍ پېسە وەڵینا واتەن ۋڵە نېیەنە جگەرشانە، یانی ئازێنۍ و جە هیچی سڵ نمەکەران، هەقەشان جە لاو هەر کەسېوە بۊن، بە هەر قیمەتێ بۊن چەنەشان مسانان.
ئا جۊرە کەسۍ گۊش نمەداران کەسی، موچیاری هۊرنمەگېران گەر کریۊشان پەی ئانەی بە تەرزێ ئاشتیانە هەقەو وېشان ئەچا خەڵکا بسانان هەکە ئینا لاشاوە، ئاڎۍ بە زۊر و بە هەڕەشۍ و پەلاماردای کەسەکەی مەگېرانو هەقەش چەنە مسانان.[1]