سەربازۍ وەتەنی فەرەنجی پۊشۍ
فەرەنجی ۋەرو سەربازێۋو وەتەنیەرە مانا پێدا کەرؤ نەک فەرەنجیێۋی هاڵی و پەتیو دلې قڕوڵ. بدیە وېتەرە و دەورو بەرتەرە و پی ۋېنەیەرە، تاکو بزانی چېشت قؤمیان ۋەنە و چېش بېیەن بە هېمات. ئی ۋېنەیە بنیەرە مێدانەکا هۆرامانیەرە با هیچ ڕەئیس عەشیرێۋی ناحەزی نەیار، نەیارۆ هەڕەشې کەرؤ و بە کیانیت تەوهین کەرؤ.
شەرحێۋە سەرو ۋېنەکەی.
ئی ۋېنە جە همارو گوگلیەنە بەرم ئاردەن.دمای شؤنیەرەگېڵێۋی کورتیەرە پەیم بەرکۆت کە ئا زاتە ئازا و نەتەرسە کە کەرؤ بە کاکە محەمەدی گوڵپی (حەمە گوڵپی) کە بؤ بە تاتەۆ د. فایقی و د. ناجحی، چی ۋېنەنە بە سەرە نېزېو (فلش) دیارا. حەیف کە ئا زاتې بیێ قوربانی دەسو خیانەتکارا ئی سەرزەمینیە وەلېم ئا خیانەتە زەرێۋ جە مقام و زاتی ئازا و ئا بەڕېزا پېسە سەربازېۋو ئی سەرزەمینیە کەم مەکەرؤۋە و ئادېنې سیمبولو سەربازو وەتەنی و مشیؤ هەر پا شەمایلۆ دلېڕاسەو مەیدانو شارەکانە نمایش دریا نەک فەرەجی هاڵی.
بەختیار لهونی.[1]