نامۍ: سەنعان
نازنام: محەمەڎ ئەمین
نامۊ تاتەی: کەنعان
نامۊ ئەڎێ: حەبیبۍ
ساڵۊ پېڎابېیەی: 1896ز
یاگۊ پېڎابېیەی: باراماوا‌ - هۆرامان

ژیۋاینامە
نامۍش (سنعان) کوڕو (کەنعانی) جە ساڵەو (1896ز) جە (باراماوانە) جەئەڏێ بېیەن، نامۍ ئەڏێش (حەبیبۍ) ، جە هێمن و هەمانیشنە نامۍشا نېیا (محەمەڎ ئەمین)
مەڵێوە موسڵمان و پاک بېیەن ئانە ئەچێنە ئېمە گەرەکمانە باسش کەرمۍ دوێ خەسڵەتێ عالێ مەلا (حەمەمینی) ، ڕوېشا ملۆ پەی یانەو عەلامەی (مەلا باقرو بالکی) ، مەڵا ژەنەو مەلا (باقری) ماچۊ بە (مەلاحەمەمینی) مامۊسا من فرە عەقیدەم پەنەتا بەش دوعێ کەری خوا کوڕێما پەنە بەخشۆ، دماو ئانەی مامۊسا لاڵیۆوە خوڎای و دوعێش پەی کەرۊ، فەرماوۆ خوا بەش کوڕێ عالتا پەنە بەخشۆنەو منیچ ژەنی بارو کەروش زەماو وېم، دماو مودەتێ یانەو مامۊسای مەلا (عارف) شابۊ، ئېڎیچ کناچۍشبۊ بە نامۍ (ڕۆقیە) یۊ و مڏاش بە (مەڵڵا عارفی) وبۊ بە زەماش، (60) ساڵێ پێوەرە مەژیوان.
یۆتەر چا سەرگوزشتاو مەڵڵا حەمەمینی، ڕوێ پیېوە مێ خزمەتش فەرماوۆ: مامۊسا وەرمێم دیەن، ئۍ شەو وەرممنە مەڕە (چلگەزیە) بێنێ، ئی مەڕێ پەڕە بۍ هانەکلێ، پیېوە چاگەبێ، واتم ئی هانەکلێ چېشێنێ؟ واتش ئینە ڕسق و خەڵکین، واتم ئەی کامەن ڕسق و من؟
واتش ئا ۋڵە وچکلێنە کە چۆڕە چۆڕە ئاویش مێ پۊرە!
منیچ نەمانی چۆکڵێوە کەردم وڵەکێرە کە کوچێ زیاڏش کەرۊ، چۆکڵەکە مەڕیا وڵەکێ و چا چۆڕیچە بېیا!
مەڵڵا حەمەمینی فەرماوا: هیچ نېیا خوا ڕەحم کەرۊ.
دماو ئانەی پیېوە وەنەش پەرسۆ تابێڵوو ئا وەرمیە چېش بێ؟ واتش ئا پیا ڕسقش سەرو زەمینیوە نەمەنەنو، پی زوانە عەمرەو خوای کەرۊ!
هەرپاسەیچ بۍ دماو دوێ ڕوا فەوتش کەرد.[1]