ناونیشانی بابەت: پڕۆژەى تۆمارکردنى زانیارییەکانى خانووە کەلەپوورییەکانى کۆیە جێبەجێ دەکرێت
ئامادەکردنی بابەت: #هەڵمەت بتوێنی#
بەڕێوەبەرى فەرمانگەى شوێنەوارى #کۆیە# ئاشکراى کرد، لەپێناو مانەوەى ڕەسەنایەتى و کەلەپوورى خانووەکان، پڕۆژەى کۆکردنەوەى زانیارى و بەدۆکیۆمێنتکردنى خانووى گەڕەکە کۆنەکانى شارى کۆیە جێبەجێ دەکەن.
#یەکێتی واحید#، بەڕێوەبەرى فەرمانگەى شوێنەوارى کۆیە بە (باسکورد) ى ڕاگەیاند: لەناو شارى کۆیە چوار گەڕەکى کۆن و کەلەپوورى هەن، کە تەنیا چوار خانوویان هى حکوومەتە و ئەوانى دیکە هى هاووڵاتییانن، بۆیە هەم بەو هۆیەوە ناتوانین نۆژەنیان بکەینەوە، هەمیش لەم قۆناغەدا بودجەى پێویست بۆ ئەو بابەتە لەبەردەست نییە.
وتیشى: بۆ پاراستنى ڕەسانەیەتى و شێوە و دیزاینى ڕاستەقینەیان، پڕۆژەی تۆمارکردنى زانیارییەکانى تێکڕای ئەو خانووانە جێبەجێ دەکەین، کە ئێستا بڕیارى لەسەر دراوە و هەفتەی داهاتوو دەستی پێ دەکەین، کە خانوو بە خانوو و ژوور بە ژوور، شێوەى خانووەکە، دەرگا، پەنجەرە، دیوار، حەوشە، دیزایین و شێوە و پێکهاتە و ڕووبەرەکەى تۆمار دەکەین، بۆ ئەوەى لەداهاتوودا ئەگەر خانووەکە تێکیش بچێت، بتوانین لەسەر شێوەى خۆى بنیاتى بنێینەوە.
باسى لەوەش کرد: بەجێبەجێبوونى ئەو پڕۆژەیە، وێڕاى پاراستنى شوێنەوارەکانمان، دەتوانین لەداهاتوودا بیکەینە شوێنێکى گەشتیاریى شوێنەوارى و لە ڕووى شارستانى و شوێنەوارى و داهاتەوە سوودى لێ وەربگرین.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 429 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!