ناونیشانی بابەت: بەوێنە.. سرووشتی سەرنجڕاکێشی بەردەکانی گوندی چاڵی
ئامادەکردنی: #محەمەد هەسنانی#
گوندی چاڵی دەکەوێتە سنووری شارۆچکەی #ئاکرێ#، کە هاوسنوورە لەگەڵ دەڤەری #بارزان#. پێکهاتەی بەردەکانی دەوروبەری شێوە جیاواز و سەرنجڕاکێشن و بوونەتە جێی سەرنجی هاووڵاتییان و دیمەنێکی نەوازەیان بە ناوچەکە بەخشیوە.
لەمبارەيەوە، کرمانج چاڵی، لێکۆڵەر و چالاکوانی ژینگەپارێزی دانیشتووی گوندی چاڵی، سەربە شارۆچکەی ئاکرێ، بە (باسکورد) ی ڕاگەیاند: ئەگەر بەگشتی بڕوانینە ناوچە شاخاوییەکانی #کوردستان# و گەشتێک بەناو شاخ و دۆڵ و گوند و شارۆچکەکانیدا بکەین، مرۆڤ هەست بە ئاسوودەیی و خۆشییەکی زۆر دەکات، چونکە سرووشتەکەی ناوازەیە و پەروەرێن بە مرۆڤی داوە، ئەرکە هەمووان لە ئاست ئەو ژینگە و سرووشتە جوانە، هەست بە بەرپرسیارییەتی بکەین و بیپارێزین.
ئەو لێکۆڵەر و چالاکوانە ژینگەپارێزە دەشڵێت: بەپێی ئەوەی دەستی نووسینم هەیە و خاوەن چەند پەرتووکێکی چاپکراویشم، هەوڵم داوە جوانییەکان لە هەموو ڕووێکەوە، لە مرۆڤایەتی، هۆنراوە و هۆزان و سرووشتی ناوچەکەمان.. هتد پیشان بدەم.
ئەوەش دەخاتە ڕوو: ئەوەی سەرنجی خەڵکی سنوورەکە و ڕێبوارانی بۆلای خۆی ڕاکێشاوە، دیمەنی بەردەکانی سنووری گوندەکەمانە، چونکە شێوەیەکی جیاواز و تایبەتیان هەیە، بەپێی لێکۆڵینەوەکان، پێدەچێت ئەم بەردانە سەردەمانێک بەهۆی گۆڕانکاریی پێکهاتەی سرووشت و بوومەلەرزە بەم شێوەیە دەرکەوتبن.“[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 436 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!