ئەشکە لەخۆی بە شکە
یام واتەنشا: قنکڵاشکە، لەخۆی بە شکە.
ئی ئیدیۆمۍ هەرچن بە زوانو ئېمە نەواچیێنە، بەڵام دلۍ خەڵکینە هەر دەم واچیێنۆ. بەرۋستەی دوەمەنە زیاتەر ڕەنگ و بۊ هۆرامیش پۆوە دیارەن. وەختێ چېوێ قۊمیۊ، یام کەتنێ دریۊ، یام واچمۍ دروێ یام بوختانێ کریێبۊ، دلۍ مەجلیس و کۊنیشتێنە باسش کەران، ئانەی کە کەتنەکېش دێنە یەکسەر پۊشۆ دیارەن، بە جۊرێ گوماندارانە قسۍ کەرۊن، یام دەسکەرۊن بە وۍ ورنای و قنگ ورنای، ئیتر گومانش پەنە بەرانو مەزانان کە ئاڎ کەتنەکېش دێنە، چوونکوم گەر ئاگاڎارو کەتنەکۍ نەبېیێ پېسە ئەویشا سرووشتی ڕەفتارۍ کەرۍ و هیچ تېک نەشۍ. یام فرەو جاری کەسی کەتنکەر وېشۆ پەرسۍ کەرۊ، پېچاو پېچۍ مەوزۊ دلۍ پەرسەکاش، ئیتر یەکسەر گومانش پەنە بەران.
ئەسعەد ڕەشید.[1]