#ئەفشین قادرزادە#، کوردێکی ڕۆژهەڵاتی کوردستانە، وەک کوورتەباڵاترین پیاوی جیهان ناوی چووەتە پەرتووکی گینسەوە.
لە ماوەی ڕابردوودا پێوانەی باڵای ئەفشین کرا بۆ ئەوەی ناوی لە پەرتووکی گینسدا تۆماربکرێت، لە ئێستاشدا وەک کوورتەباڵاترین پیاوی جیهان هەڵبژێدراوە.
بەگوێرەی پەرتووکی گینس بۆ ژمارە پێوانەییەکان، ئەفشین قادر زادەی تەمەن 21 ساڵ باڵای 65 سانتیمەتر وەک کوورتەباڵاترین جیهان دیاریکراوە بەمەش پێوانەی پێشووی شکاندووە.
ژمارەی پێوانەیی پێشووتریش ئێدوارد نینۆ هێرناندیز بووە لە کۆڵۆمبیا، کە بەرزیی باڵایی 72 سانتیمەتر بووە.
ئەفشین قادر زادە لە گوندێکی سەر بە شاری #بۆکان# لەدایکبووە، بەهۆی باڵایەوە ناتوانێت بەشێکی ئەرکەکانی ژیانی ڕۆژانەی بەجێبگەیەنێت، تەنانەت بێبەش بووە لە خوێندن. [1]