دە‌ق و وانەر
نویستەی: #عادل محەمەدپوور#
وینگاو گادامێریوە ئەوەوانایەو دەقی، پېسەنە دیالۆگی. چی دیالۆگنە دەق نیشۆنە یاگێ نویسەری نادیاریش، چوون چی پڕۆسەنە، نویسەر مەرڎە فەرزیان و دیواری تەشریفاتیی کە نویسەری وەڵتەر نیانەرە وڕیان و ئیتر حەقێقەتێو ئەبەدی نېیەن دلێ گەمەی زوانینە.
چی بارەوە (گادامير) ماچۊ: وانەر بە دەسەڵاتی زوانی و زانیاریی وەڵینیش چی دیالۆگەنە متاوۆ جە هەر خولێوە وانایەو دەقینە مانای تازێ بوێزۆوە، ئینە هەمان واتواچېوەن کە وانەر چنی دەقیش کەرۊنە، بەڵام چېوێوەما با ویر نەشۆوە: ڕاسیێو کە وانەر دلێ دەقینە کېشۆنەش بەر، ئاڎییچ موتڵەق نېیەن و تەنیا پەی ڕادەو بازنەو زانیاریش جە دەقەکەی هۆرگېڵۆوە.
بە لەونێویتەر دەق هیچ وەخت پەیلوای وېش بە ئاسانی نمەڎۆ بە دەسەوەو چی بارەوە ملەجێڕێ کەرۊو ئینەیچ وانەرێتەرێ هۊر منیۊ کە بە سازوهەرمانێ تەرێوە چنی دەقی دیالۆگ کەرانێ کە پەی وېش ئی پڕۆسە ملۆنە دلێ یۆشۆنەویۊو دالەکا و پەیامە چەرمەو مانا نادیارەکاو دەقی کە نیشانەشناسێ بە دەقی وزیارەو مانای نادیارێ نامېش چۆبەرانێ (متن غایب، Hidden text) .[1]