چوونە ناو پەیوەندییەکی خۆشەویستی تەنیا ئەوەندە نییە کەسێکی نوێ بهێنیتە ژیانتەوە، بەڵکوو دەبێت بیر لەوە بکەیتەوە تا چەند لەگەڵت دەگونجێت و ئامادەیت بۆ ئەوەی ئەو کەسە لە ژیانتدا هەبێت، یان ئامادەیی ئەوەت تێدا نییە.
=KTML_Bold=باشتر وایە ئەم پرسیارانە لە خۆت بکەیت پاشان کەسێک بۆ ژیانت هەڵبژێریت.=KTML_End=

=KTML_Bold=1. ئایا بە ڕادەی پێویست بەدڵمە؟=KTML_End=
هەتا کەسێکت بە دڵ نەبێت، باشتر وایە هەڵینەبژێریت.
=KTML_Bold=2. ئایا بەڕاستی دەیناسم؟=KTML_End=
ڕاستە بە تێپەڕبوونی کات کەسەکانت بۆ دەردەکەوێت، بەڵام باشتر وایە کەسەکە بناسیت و لە باشی و خراپییەکەی دڵنیابیتەوە.
=KTML_Bold=3. ئامادەم بۆ پەیوەندییەکی خۆشەویستی؟=KTML_End=
ئەگەر پێشتر کەسێکت لە دڵدا بووە و هێشتا ئەو کەسە لە ژیانتدا ماوە، باشترە هیچ کەسێکی نوێ نەهێنیتە ژیانتەوە تا بەتەواوی لەبیری دەکەیت.
=KTML_Bold=4. ئەزموونی چیم بەدەستهێناوە؟=KTML_End=
گرنگە کەڵک لە ئەزموونەکانت وەربگریت، هەڵەیەک کە پێشتر ئەنجامتداوە، ئێستا ئەنجامی مەدەرەوە، چونکە پەیوەندییەکەت شکستخواردوو دەبێت.
=KTML_Bold=5. لەم پەیوەندییە چیم دەوێت؟=KTML_End=
گرنگە پێداویستییەکانی خۆت دەستنیشان بکەیت کە لەو پەیوەندییەدا چیت دەوێت، بەمشێوەیە باشتر تێدەگەیت بەرانبەرەکەت بۆ ژیانی تۆ گونجاوە یاخود نەخێر.
=KTML_Bold=6. کەسێکی مێشک کراوەیە؟=KTML_End=
هیچ دوو کەسێکی دنیا بەتەواوی وەکوو یەکتر بیرناکەنەوە و لە کۆمەڵێک بابەتدا ڕای جیاوازیان هەیە، هەر بۆیە باشترە بەرانبەرەکەت کەسێکی مێشک کراوە بێت و جیاوازی بیرکردنەوەتان نەکات بە کێشە.
=KTML_Bold=7. شانازی پێوە دەکەم؟=KTML_End=
ناکرێت کەسێک بۆ ژیانت هەڵبژێریت کە شەرمی لێ بکەیت و بە کەسە نزیکەکانت و خێزانەکەی نەناسێنیت، هەر بۆیە ئەگەر شانازی پێوە نەکەیت واتە کەسە ڕاستەکە نییە بۆ ژیانت.
=KTML_Bold=8. خۆمم خۆشدەوێت؟=KTML_End=
لە هەر پەیوەندییەکدا ئەگەر خۆتت خۆشنەوێت، خۆت دەدۆڕێنیت، هەر بۆیە سەرەتا پێویستە خۆتت خۆشبوێت و گرنگیی بە خۆت بدەیت، پاشان دەتوانیت بۆ بەرانبەرەکەت بەو شێوەیە بیت. [1]