لە پارێزگای #دھۆک# بەھۆی بارینی بەفرەوە حەوت تیمی ڕاماڵینی بەفر کار دەکەن، بەرپرسێکی ڕێگاوبانی دھۆکیش دەڵێت: تیمەکانمان لە ئامادەباشیدان و ھەر شوێنێک شەپۆلی بەفر بیگرێتەوە ڕێگاکانی خاوێن دەکرێنەوە.
کەمال محەمەد، بەرپرسی ڕاگەیاندنی نوژەنکردنەوەی ڕێگاوبانەکانی دھۆک ڕایگەیاند: لە دوێنێ وە #22-12-2023# تیمەکانی ئێمە خەریکی ڕاماڵینی بەفرن لەو ناوچانەی شەپۆلی بەفربارین گرتوویەتییەوە، تیمەکانمان بەردەوامن لەسەر ڕاماڵینی بەفر، بەتایبەتیی لە ھەندێک ناوچەی وەک کانی ماسی بۆ دەروازەی نێودەوڵەتی سەرزێڕێ بەفرێکی زۆر باریوە و لە 24 کاتژمێری ڕابردوودا تیمەکانمان بەردەوام لەسەر ڕێگاکە بوونە.
بەرپرسی نوژەنکردنەوەی ڕێگاوبانەکانی دھۆک دەشڵێت: ڕێگاکانی ناوچە شاخاوییەکانی دھۆک بە تەواوەتی لە بەفر پاککراونەتەوە و ئێستا ھاتوچۆی ھاووڵاتییان و بارزگانی لە ھەموو پارێزگای دھۆک ئاساییە.
کەمال محەمەد ڕوونیکردەوە: بەڕێوەبەرایەتییەکەمان حەوت تیمی ڕامالینی بەفری پێکھێناوە و بەسەر ئەو ناوچانەیدا دابەشکردوون بەفریان تێدا دەبارێت، لەھەر شوێنێکیش ئاستەنگی ھاتوچۆ درووست ببێت یانیش شەپۆلی بەفر بیگرێتەوە تیمەکانمان بە ئامێری سەردەمیانەوە دەگەنە شوێنەکە. [1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 236 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!