شەوچەرەو هۆرامانی دلۍ گوڤارێ سکۆتلەنداینە
(شەوچەرەو هۆرامانی) جە گوڤارێ سکۆتلەنداینە وەڵابیۆ
بابەتێوە ڕۊنامەوان جیهاد هۆرامی کە باسو (شەوچەرەو هۆرامانی)یش کەردەن جە گۆڤارەو دەنگو کۆچبەری جە سکۆتلەندا وەڵابیۆ.
جە بابەتەکەنە جیهاد هۆرامی باسش جە ئاماو زمسانی و شەوەو دورودرێژەو سەردەو زمسانیش جە هۆرامان کەردەن کە ئیشارەتش بە بەکارئاردەو سۆبەو دارا و کۆنیشتو شەوانەو خەڵکی جە دەگایەکا هۆرامانینە کەردەن.
هەر جە بابەتەکەنە تیشکەش وستېنە سەرو ئا بەرهەمە وېمانا هەکە خەڵکو هۆرامانی پایېزەنە چناشۆ و پەی شەواو زمسانی جە شەوچەرەکانە مێمانیەکاشانە منیاشەرە پەی واردەی و قسەوباس کەردەی سەرو وېیەردەی تاکو نیمەشەو.
دمابەشەنە ئاماژەش پانەیە دان کە خەڵکو هۆرامانی و کوردەسانی شەوۍ تایبەتەشا هەنە کە پەنەش ماچا شەوەو یەڵدای هەکە درێژتەرین شەوەو ساڵینەو گنۆ دمارۆو پاییزی و دەس پەنەکەردەی یوەم ڕۊو زمسانی، کە بە شەونشینی و شەوچەرە و کۆکەردەیۆ بەروبومە وېمانەکاو ساڵۍ سەرو یەک سفرەیۆ گلېر کەراوەو ئا شەوېشە پەنە بەرا سەر.[1]