جەولەی شەشەم لە قۆناغی یەکەمی یارییەکانی خولی نایابی تۆپی پێی یانەکانی ئێراق ئەنجام دراو لە بەهێزترین یاری کۆمەڵەی یەکەم، یانەی پیێشمەرگە لە دەرەوەی یاریگەی خۆیدا و لەسەر یاریگەی یانەی عەفەک بوونە میوانی یانەی ناوبراو، لەو یارییەدا کە لە کاتژمێر 2:00 ی پاش نیوەڕۆی ڕۆژی سێشەممە #09-01-2024# بەڕێوەچوو هەر لە سەرەتاوە یاریزانانی هەردوو تیم بە گڕوتینێکی بەهێز یاریان کردوو تا کۆتایی گێمی یەکەم و لەگەڵ ئەنجام دانی چەندین هێرشیان دواجار بە خاوێنی یاریگەیان بەجێهێشت.
ئەمە و لە گێمی دووەم ڕکابەرییەکە بەهێزتر بوو پلانی ڕاهێنەران و گۆڕانکارییەکانی نێو یاریگە لە پێکهاتەی یاریزانان جیاوازی لە ئەنجام درووستکردوو تا یانەی خاوەن یاریگە توانیان گۆڵی یەکەم و پێشکەوتن تۆمار بکەن.
هەرچی یاریزانانی پێشمەرگە بوو بەو ئەنجامە ڕازی نەبوون و لە خولەکی 70 (سالار حسێن) توانی گۆڵی یەکسان کردنەوە تۆمار بکات و دواتر و لە خولەکی 84 #ئەحمەد وەهاب# گۆڵی دووەمی پێشمەرگەکانی مسۆگەر کردوو ئەنجام تا کۆتایی بەو شێوەیە و بە 1-2 گۆڵ لەبەرژەوەندی کوڕانی پێشمەرگە مایەوە.
بەو دەست کەوت و سەرکەوتنەشیان پێشمەرگەکان توانیان کۆی خاڵەکانیان بۆ 9 خاڵ بەرز بکەنەوە لە پێنج یاریدا هەرچی یارییەکی دواخراویشیان لە بەرانبەر یانەی مەسافی جنوب ماوە.
[1]