سەردایێ پەی ئەرەمەرزیاو کەریمو عەلەکەی

ئارۊ (14-01-2024) دەسەو ڕاوەبەری ڕېکۋزیاو (ژیوای) سەرداو ئەرەمەرزیاو (کەریم عەلەکەی) ش کەرد.
بە مەبەسو پیرۊزبای جە ڕاوەبەرو نۆو ئەرەمەرزیاو (کەریمو عەلەکەی) ئێژا ( شاخەوان سدیق) دەسەو ڕاوەبەری ڕېکۋزیاو ژیوای سەرداو ئەرەمەرزیاکەیش کەرد.
جە دیڎارەکەنە ڕاوەبەرو ڕېکۋزیای (کاروان حەسەن) ڕۆڵو ئەرەمەرزیاو (کەریمو عەلەکە)یش جە وەڵۋستەو و بگار ڕۊشنویری و چاپ و وەڵاوکەردەینە بە پاڵپەشتی سەرمایەداری نیشتیمانی ئێژا (د.تەها ڕەسوڵ) بۍ وێنە باسکەرد.
دەسوەشی جە ڕاوەبەرو نۆو ئەرەمەرزیایی ئێژا (شاخەوان سدیق) کریا کە جە وېیەردەنە یەرێ دیڎارېشا جە بارەو کەلتوورو هۆرامانیۆ پېسە ئەرەمەرزیاو (کەریمو عەلەکەی) بەرڎۍنێ ڕاوە.
دماتەر قسێ سەرو هەرمانەو پڕۆژێوە هامبەشێ کریاو ئێژا (شاخەوان سدیق) پاڵپەشتی و پەنەوەشحاڵی وېش پەی هەرمانەی پێوەرەیی وستڕوە.
جە کۆتاینە جە لاو ڕاوەبەرو ڕېکوریاو (ژیوای) ۆ، دەسەگوڵو پیرۊزبایی پېشکەش بە ڕاوەبەرو نۆو ئەرەمەرزیای ئێژا (شاخەوان سدیق) ی کریا.[1]