باران
1
تا هەنووکە؛
چۆلەکەیەک
قەلەباچکەیەک
ڕێشۆڵەیەک
شمقارێکی دڵتەنگم نەدیووە
کەچی شەقام لێوان لێوە لە مرۆڤی دڵتەنگ
2
هەتا ئێستا
ماینێک
مانگایەک
مەڕێک
کارمامزێکم،
بە جلی ڕەشەوە نەدیوە
لێ شەقام
تژییە لە مرۆڤی ڕەشپۆش
3
تا ئەو چرکەیە
بەچاوی بۆقێک،
کیسەڵێک،
ماسییەک،
قڕژاڵێکەوە؛
دڵۆپێک فرمێسکم نەدیوە.
بەڵام چاوی مرۆڤەکانی سەرشەقام،
تژین لە فرمێسکی خوێنین
4
تا ئیستاکێ
لەبەردەم ماڵی
کانییەک
ڕوبارێک
کولوە بەفرێک
دلۆپێک باران؛
خیوەتێکی پرسەم نەدیتووە.
کەچی لەبەردەمی ماڵی هەموو مرۆڤێکدا
ڕەشماڵێک
4
خودایە بمانکە بە؛
چۆلەکە
قەلەباچکە
ڕیشۆڵە
شمقاڕ
بە؛
ماین
مانگا
مەڕ
کارمامز
بە؛
بۆق
کیسەڵ
ماسی
قرژاڵ
تکایە بمانکە بە؛
کانی
ڕووبار
بەفر
باران
هۆزانەوان: #قوبادی جەلیزادە# [1]
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 122 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!