ئەمڕۆ #22-09-2021# لە بارەگاى مەکتەبى سیاسى، #فازڵ میرانى#، سکرتێرى مەکتەبى سیاسیی #پارتی دیموکراتی کوردستان#، پێشوازیى لە فوئاد خازر ئەلمەجالی، کونسوڵى گشتیی نوێى شانشینى ئوردن لە هەرێمى کوردستان کرد.
سکرتێرى مەکتەبى سیاسى، وێراى بەخێرهێنانى میوان، پیرۆزباییى دەستبەکاربوونى لە کونسوڵى گشتیى نوێى ئوردن کرد و هیواى سەرکەوتنى بۆ خواست لە ئەرکەکانیدا لەپێناو پەرەپێدانى زیاترى پەیوەندیى مێژووییى نێوان هەرێمى کوردستان و شانشینى ئوردن و سوپاسى بەڕێز هەیسەم ئەبولفول، کونسوڵى پێشووى شانشینى ئوردنى کرد کە بە شێوەیەکى باش، کار و ئەرکەکانى بەڕێوە برد.
فازڵ میرانى هەڵوێستى خاوەنشکۆ شا عەبدوڵڵا و شانشینى ئوردنی بۆ پشتیووانیکردنى هەرێمى کوردستان لە قۆناغە جیاجیاکاندا بەرز نرخاند و ئامادەییى پارتى دیموکراتى کوردستانیشى بۆ هاوکارى و هەماهەنگى لەپێناو سەرخستنى کارەکانیان و زیاتر پتەوکردنى پەیوەندییەکان دەربڕى.
دواتر میرانى جەختى لە بەڕێوەچوونى هەڵبژاردنێکى پاک و بێگەرد و ئارام لە ئێراق کردەوە کە زامنى پاراستنى سەقامگیریى سیاسى و ئابوورى و ئەمنى بکات و ڕەنگدانەوەى خواستى هەمووان بێت.
کونسوڵى گشتیى شانشینى ئوردن سوپاسى سکرتێرى مەکتەبى سیاسیى کرد بۆ ئەم پێشوازییە و ئاماژەى بەوە دا کە ''هەوڵى زیاتر دەدەین بۆ پتەوترکردنى پەیوەندییەکانمان''. دواتر بارودۆخى سیاسیى ئێراق و هەرێمى کوردستان و ناوچەکە و هەڵبژاردنەکانى داهاتووى ئەنجوومەنى نوێنەرانى ئێراق تەوەرێکى دیکەى دیدارەکە بوون. [1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 214 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!