ناو: ئازاد
نازناو: ئازاد گەناوی
ناوی باوک: حەسەن عەبدوڵڵا شێخە
ساڵی لەدایکبوون: 1966
شوێنی لەدایکبوون: #گوندی گەناو#
$ژیاننامە$
ئازاد حەسەن عەبدوڵڵا شێخە، ناسراوە بە (ئازاد گەناوی)، لە ساڵی 1966 لە گوندی گەناو لەدایکبووە، لە ساڵی 1985 لە بەشی یاسای #زانکۆی سەڵاحەدین# وەرگیراوە، دواتر بە بۆنەی کاری سیاسییەوە زیندانی کراوە، لە مافی خوێندن بێبەشکراوە، لە دوای ڕاپەڕین لە ساڵی 1999 بەسەرکەوتوویی کۆلێژی یاسای تەواوکردووە. یەکەم بەرهەمی لە ساڵی 1991 لە گۆڤاری #هەنگاو# بە ناونیشانی (دادگایەکی فاشیانە) بڵاوکردووەتەوە. سەد و سێ وتاری لە ڕۆژنامەکانی (#ڕێگای کوردستان#، #کوردستانی نوێ#، ئاڵای ئازادی و وڵات) بڵاوکردووەتەوە.
یەک بەرهەمی وەرگێڕانی هەیە بەناوی (گریمانە نەژادییەکان و کۆسپەکانی بەردەم بەرەوپێشچوونی کۆمەڵگەی مەدەنی)، نووسینی د. شاپوور ڕاواسانی، #سلێمانی#، 2000. [1]