ناڤ: سەبریا
ناسناڤ: هەکاری
ناڤێ بابێ: ئەسعەد
ڕۆژا ژ دایکبوونێ: #01-07-1948#
جهێ ژ دایکبوونێ: دهۆک
$ژیاننامە$
خانما سەبریا هەکاری کچا (اسعد رزگین اسماعیل)ی یە کو خەلکێ گوندێ هەلەیسێ یێ سەر ب باژێرێ گەڤەرێ یێ هەرێما جولەمێرگێ ل ھەکاری ل باکورێ کوردستانێ یە. بابێ وێ د دەستپێکا چەرخێ بیستێ دا مشەختێ باشوورێ کوردستانێ دبە و دگەل مالبات و ررەڤەندا خوە ل دهۆکێ ئاکنجی دبە.
سەبریا ھەکاری ناسناڤێ ئەدەبی یێ هەلبەستڤان (سەبریا ئەسعەد رزگین)ە یا کو #01-07-1948# چاڤێن خوە ل دهۆکا دلا ڤەکرینە و د هەمبێزا کێلیا شەدا, شکەفتا چارستین, گژەبەرا و دێرا بەڕانی دا پەروەردە بوویە.
پشتی کو شەش سالێن خاندنا بنەرەتی ب دووماهی دئینە, ژ ئەگەرێ کارتێکرنا جڤاکێ و هزر و بیرێن بەرتەنگ و خێلەکی ل وێ سەردەمێ, هەر زوو و دژیێ 13 سالی دا خێزانێ پێکتینە و دبە دایکا پێنج کچ و چار کوران. ئەڤ خانمە هەڤژینا شەهیدێ مێرخاس و ناڤدار (شەعبان محمد ئەحمد دێریشکێ)یە کو ل رێکەفتی 21/22-09-1977ل گەل سێ قارەمانێن دی ل زیندانا مووسلێ هاتن سێدارەدان.
سەبریا د ژیێ 29 سالیێ دا دبە تئێکانە سەمیانا نەھ زارۆکان و ب دلۆڤانی, سەرفەرازی, مەردی و خوەراگری زارۆکێن خوە پێگەهاندن و ل سەر رەوشتێن بەرز یێن ئاینی و کوردەواری و پرەنسیپێن مرۆڤایەتیێ و شۆپا بارزانیێ نەمر پەروەردە کرن.
=KTML_Bold=کارێن پارتایەتیێ, رێکخراوەیێ, حکومی و ئەدەبی:=KTML_End=
د نەورۆزا 1961-ێ دا ل دەربەندیخانێ دبە ئەنداما رێکخستنێن پارتیا دەمۆکراتا کوردستانێ.
1984 دبە ئەنداما ئێکەتیا نڤیسکارێن کورد ل دهۆکێ.
1978-1990 فەرمانبەرا رێڤەبەریا باژێرڤانیا دهۆکێ.
1991 ل گەل کۆچا ملیۆنی ب خێزانڤە کۆچبەری باکورێ کوردستانێ دبە.
ل 1993-1995 دبە بەرپرسا لقێ یەکێ/دهۆکێ یێ ئێکەتێا ئافرەتێن کوردستانێ.
د مەها 11/1995 ل سەر داخوازا رێکخراوەکا ئەلمانیایی بەرەڤ ئەلمانیایێ ڤە دچە و پاشى دچە سوێدێ و ل وێرێ ئاکنجی دبە.
1998 دبە ئەنداما کۆمەلەیا نڤێسکارێن کورد ل سوێدێ.
1999 دبە ئەنداما رێکخراوا پارتیا دەموکراتا کوردستانێ یا باژێرێ یۆتۆبۆری ل سوێدێ.
1996-2005 کارگێرا کۆمەلەیا کولتووری یا کوردستانێ ل باژێرێ یونشۆپینگێ ل سوێدێ, د هەمان دەمێ دا سێ سالان دبە بەرپرسا کۆمەلەیێ و کۆمیتەیا ژنان.
2002-2004 دبە ئەنداما کۆمیتەیا گشتی یا فەدەراسیۆنا کۆمەلەیێن کوردستانێ ل سوێدێ.
2005-2006 دبە کارگێرا ئێکەتێا ژنێن کوردستانێ ل سوێدێ.
#17-02-2006# ب ئێکجاری ڤەدگەرە ناڤ هەمبێزا وەلاتێ خوە دا.
2006 دبە کارگێرا لقێ 1-ێ یێ پارتیا دەموکراتا کوردستانێ.
نوونەرا کۆنگرەیێن 11-ێ د سالا 1993-ێ دا و 13-ێ د سالا 2010-ێ دا یێن پارتیا دەموکراتا کوردستانێ بوو. د کۆنگرا داوىێ دا ژ ئالیێ رێزدار جەنابێ سەرۆک بارزانى ڤە ب مەدالیا بارزانیێ نەمر دھێتە خەلات کرن.
بەشداری د 35-40 کۆنگرە و کۆنفرانسێن جودا دا ل ناڤخوە و دەرڤەیێ کوردستانێ کریە.
ل #24-10-2019# -ێ دا مالئاڤایی ل ژیانێ کر و گەهشتە ناڤ رێزا ناڤێن نەمر دا.
=KTML_Bold=بەرهەمێن چاپکرێ=KTML_End=
پارزینێ هێڤیێا 1989
ئارمانج 2006
رۆناهی 2019
بەرهەمەکێ دێ ب ناڤێ ” ئەگەر تە زانی چییە, خەلاتەک دیارییە” د رێ دایە. [1]