ئینا ئارۊ و سەواینە
ئیدیۆمێن، زیاتەر پەی بارو لەمپەڕی ژەنۍ بەکاربریۊن، زارۊڵە پەی ماوەو نۊ مانگاو نۊ ڕوا ئینا لەمەو ئەڎێشەنە، دمای ئا فەترەیە ئیتر مێنە دنیا. کۊتاو ئا فەترەیەنە ئیتر ژەنی لەمە پەڕە ئارۊ و سەوایشەن پەی ئامای دنیای زارۊڵەکەیش، ئا کەسە نزیکۍ کە هاگاڎارېشەنۍ ماچان ئاڎە ئینا بارو وېشەنە، ئینا ئارۊ و سەواینە، یانی پېڎابېیەی زاروڵەکێش ئینا ئان و ساتەنە. بڕێ جارېچ ئی ئیدیۆمۍ پەی حاڵەتو جەنگی و پەلاماردای و مەردەی بەکارمێ، ماچان جەنگەکە ئینا ئارۊ و سەواینە، یانی گرڎچېو ئاماڎەن و هەر ئانە مەنەن فووش کەران پۊرە، یام چەخماخێش پۆو بنیان. یام کەسێ نەوەشەن و ئینا گیانەڵڵانە.[1]