ئەگەر، مردم وەتەن لاوانی تۆ خۆش
ئەگەر هیتلەر نەما، گاوانی تۆ خۆش
موخەیەر بم لە بەینی تۆ و بەهەشتا
لە جەننەت دوور ئەبم سەیرانی تۆ خۆش
هەموو حۆری موبارەک بێ بە زاهید
لە بۆ من هەر کچ و غیلمانی تۆ خۆش
بە من چی سەیری باخ و قەسری لوبنان
وەتەن سەحرا و کەژ و کێوانی تۆ خۆش
ئەگەر دنیا نەما یەکسەر بە جارێ
وەتەن گەرمیان و هەم کوێستانی تۆ خۆش
ئەگەر نەفعی خسوسیت تیا نەمێنێ
موبارەک بێ وەتەن، دەورانی تۆ خۆش
ئەگەر خۆ قانعی ئەمرۆ نەمێنێ
وەتەن! ڕەببی وەتەن خاهانی تۆ خۆش
پەرتووک: #گوڵاڵەی مەریوان#
هۆزانەوان: #قانع# [1]