ئەی دڵەی هەژاری من
گوێ بگرە یاری شەرمن
داوای تۆ لە من ئەکا
منیش وتم کە بتبا
گوایە ئیتر چیت ئەوێ
کە جێگەی تۆ بێ ئەوێ
چونکە ئەزانم لای ئەو
شاد ئەبێ بە ڕۆژ و شەو
هۆشی خەمت نامێنێ
بیری کەست نامێنێ
گوایە ئیتر چیت ئەوێ
کە جێگەی تۆ بێ ئەوێ
خۆت هەڵ ئەسووی لە سنگی
ئەمژی دوو لێوی تەنگی
دەست ئەخەیتە ناو دەستی
چاویش بۆ چاوی مەستی
گوایە ئیتر چیت ئەوێ
کە جێگەی تۆ بێ ئەوێ
ئەی دڵەی هەژاری من
گوێ بگرە یاری شەرمن
ئەڵێ: هەتاکو ماوم
جێگەیەتی سەر چاوم
گوایە ئیتر چیت ئەوێ
کە جێگەی تۆ بێ ئەوێ. [1]
هۆنەر: #دڵشاد مەریوانی#
پەرتووکی: #فرمێسک و زەردەخەنە#
ئی بابەتۍ بە زۋانی (کوردیی ناوەڕاست - Central Kurdish) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 41 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!