Serhildana Qamişlo sund û lêvegera kurdiye!!
Dr.Zara Brahîm

Em karin bêjin piştî serhildana 12Avdarê, #pirsa kurd# î li Sûrî di qunaxeke nû de derbas dibe, dengvedaneke herêmî û cîhanî xurt stand. Miletê Sûrî jî bi vî tiştî agahdar bû ku miletekî kurd heye û xwedî erd
dîrok û nasnameye tevlî ku bandora wê îdyolojiya erebî teng, ya ku her kesî di welatê ereban de ereb dibînin, rê nadê mêjiy wan ku me bipejirînin. Kêşeya kurdî bû cihê lêpirsînê û giftûgoyê û êdî ji wan qulên teng derket û xwe da pêş, ber bi riya çareserkirinê de di paşerojê de diçê. Ev hemû divegerê wê xuîna wan qehreman û gernasên wê serhildanê ye, yên ku em serê xwe li ber wan di tewînin û cihê serbilindayiyê ne û dive ku nirxandin jî li gor wê comerdiyê
be.
Gelê kurd daxuyakirin ew yekîtiya xwe ya netewî, çi di ferhiyê de û çi di
tengahiyê de be, gavin mezin hatin avêtin bi gelekî li pêşiya bizavê, ya ku
xwe pir dûrî wan bûyerên nû û mezin dîtibû, loma piştî sêsaliya vê
serhildanê, em vê pirsê ji tevgera xwe dikin ka çi sûde jê girtin!! Ma gelo
xwendineke nû wê hebe li ser rewşa ku hate lidarxistin!!
Ev pirs xwe têne ziman, nemaze ku îro gelek gotin tên kirin li ser lêvegerk
kurdî ku bê damezrandin û gelek partî û hêz xwe dibînin bav û kalê kurdan û zû jibîrkirin bê kî xwediyê serhildanê bû!!
Di baweriya min de, tevgera kurdî bi şêwaza xwe ya niha, ne ligor demê û bûyerên wê ye û pêwîste ku ew êdî carekê tenê li xwe vegerê bi mêranî, çikû ne kêmasiye û eger ew xwe dibîne xwedî û nûnerê vî miletî, gereke pêşî wateya yekîtiya kurdan ji wê serhildana pîroz bigre û li ser wê bingihê xwendineke siyasî nû, danîna plan û birnameyên nih û hevbeşbûna gotina kurdî di derbarê pirs û doza kurdî di Sûrî de, da êdî kurd pêşî daxwazên xwe nas bikin û ji opozîsiyona erebî û rêjîmê re jî bête xuyanîkirin bi rengekî wek hev û zelal û da ku em ji wê mij û morana daxwaza pirsa kurdî xelas bibin û li hember her kesî hişkere bin.
[1]