$دەقی ڕاگەیەنراوەکەى پەیوەندییەکانى دەرەوەى کەجەکە$
بۆ سەرجەم میدیاکان و ڕای گشتی
لە ڕێگەی میدیاکانەوە زانیمان کە پارتی کرێکارانی کوردستان (پەکەکە) تۆمەتبارکراوە بەوەی، کە هەندێک ئاگریان لە شارەکانی هەولێر و کەرکووک و دهۆک کردووەتەوە، ئێمە ئەم تۆمەتە بێ بنەمایانە ڕەتدەکەینەوە، کە هەمووان دەزانن ئەم هێرشە لەلایەن دەزگای هەواڵگری تورکیا (میت) و ڕێکخراوی هەواڵگریی پارتی دیموکراتی کوردستان (پاراستن)وە ئەنجام دراون.
پەکەکە بە خۆڕاگری و هەڵوێستە پرەنسیپی و یەکگرتووەکانی بە تێپەڕبوونی کات سەلماندی، کە هێزێکە جێگەی متمانە و گەلانی کوردستان و ڕۆژهەڵاتی ناوەڕاستە، لە هەر شوێنێک گەل بەر هەڕەشە و نادادپەروەری بکەوێت، پەکەکە هەڵوێستێکی درووست وەردەگرێت و پشتیووانی گەل دەکات، ئەمڕۆش شەڕێکی توند و بێوچان لە دژی کۆلۆنیالیزمی تورکیا ئەنجام دەدات، کە هەنگاو بەهەنگاو ئێراق و هەرێمی کوردستان داگیر دەکات.
سوپای داگیرکەری تورک بە پشتیووانی و ئاسانکاریی ئیدارەی پەدەکە لە #زاخۆ# و #دهۆک# و هەولێر بێڕێزی خۆی بۆ گەلەکەمان نیشان دەدات و بە ئاشکرا بەردەوامە لە جێبەجێکردنی داگیرکارییە نهێنییەکەی.
سوپای داگیرکەری تورک بە ئاشکرا ڕێگاکانی ناو خاکی ئێراق دادەخات و خەڵک ناچار دەکات بە گەڕان و پشکنین و دڵنیابوون لە ناسنامەکانیان، گوندنشینانیش دەستگیر دەکات و بۆردوومانیان دەکات و ئاوارەیان دەکات، ڕۆژانە تاوانەکانی سوپای داگیرکەری تورک پەرەدەسێنێت، لە کاتێکدا پەدەکە لە ئاستی ناوخۆییدا بەردەوامە لە هاوکاریکردنی لەگەڵیدا و حکومەتەکەی سوودانیش بێدەنگ و بێ وەڵامە.
سەرەڕای بەکارهێنانی چەکی قەدەغەکراو و بۆمبی کیمیایی دژی شەڕڤانان و ئەنجامدانی هەموو جۆرە تاوانێکی جەنگ و بەکارهێنانی نوێترین تەکنەلۆجیا بۆ بەرژەوەندی سوپای تورک، بەڵام گەریلای ئازادیخوازانی کوردستان بە کەڵک وەرگرتن لە هەموو ئەو توانایانەی لەبەردەستیاندایە، بەرەنگاری ئەم داگیرکارییە دەبێتەوە، دەوڵەتی فاشیستی تورک تووشی شکستێکی سەخت دەبێتەوە. سوپای داگیرکەری تورکیا لەو خاڵانەی تا ئێستا داگیری کردوون، بەزەحمەت دەجووڵێت و تەنیا بە لەبەرکردنی جلی هێزەکانی ئێراق و پەدەکە دەتوانێت بجوڵێت، لە کاتێکدا بزووتنەوەکەمان سەرکردایەتی بەرخۆدانێکی گەورە لە بەرانبەر ئەم هێرشە کۆلۆنیالیزمانەدا دەکات، بەڵام بە قووڵی ناڕازین لەو بەیاننامەیەی وەزارەتی ناوخۆی ئێراق.
کاتێک هێرشەکانی داعش لە ئێراق دەستی پێ کرد، بزووتنەوەکەمان بە هەموو توانای خۆیەوە بۆ پاراستنی خەڵکی ئێراق و گەلی کورد بەبێ هیچ بەرژەوەندییەک جووڵەی کرد، بەشێوەیەکی کاریگەر بەشداریمان لە هەڵمەتەکانی ئازادکردنی ناوچەکانی هەولێر، #مەخمور# ، #کەرکووک# ، #شنگال# ، #موسڵ# لەدەست داعش کرد باجێکی قوورسمان لەو ئۆپەراسیۆنانەدا دا، تەنانەت سەرۆک وەزیرانی ئێراقیش بۆ ئەوە سوپاسی کردین.
ئەو تۆمەتانەی کە ئێمە بازاڕ و گوندەکانی کەرکووک و هەولێر و دهۆکمان سووتاندووە، هەڵبەستراوی باوەڕپێنەکراوە، ئێمە پێشتر بەرگریمان لەو شارانە کردووە و شەهیدمان لەپێناویدا داوە، ئەم تۆمەتانە بۆ ویژدانی گەلی کورد و ئێراق جێدەهێڵین، کە بە چاوی خۆیان شاهیدی بەرخۆدانی ئێمە بوون.
ئێمە هیچ دوژمنایەتییەکمان بەرانبەر دەوڵەتی ئێراق و خەڵکی ئێراقی نییە، بزووتنەوەیەک کە بۆ ئازادیی و خۆشگوزەرانی گەلانی ڕۆژهەڵاتی ناوەڕاست تێدەکۆشێت، ئەم تۆمەتانە بوختانن لەلایەن دەزگای هەواڵگری تورکیاوە، ئاشکرایە کە وەزارەتی ناوخۆی ئێراق لە کاتی دەرکردنی ئەم بەیاننامەیەدا لەژێر کاریگەریی ڕێنمایی هەندێک لایەندا بووە.
سەرچاوەی ئەو تۆمەتانە ڕێکخراوی هەواڵگری تورکیا (میت) و لقەکەی لە هەرێمی کوردستان (پاراستنە)ە، کە ڕێکخراوێکی تاوانکاری نێودەوڵەتییە و هەنگاو بەهەنگاو هەوڵی داگیرکردنی ئێراق و هەرێمی کوردستان دەدات، ئێمە هیچ پەیوەندییەکمان بە هیچ ڕووداوێک و چالاکییەکەوە نییە، جگە لەوانەی داگیرکردنی تورکیا دەکەنە ئامانج.
ئێمە و هەموو ئێراقییەک و کوردێک دەزانین کە دەوڵەتی داگیرکەری تورک لایەنێکی سەرەکییە هێرش دەکاتە سەر سەقامگیری و ئاساییشی ئێراق، بۆیە بە پێویستی دەزانین ئەم بەیاننامەیە لە وەڵامی ئەو تۆمەتانەدا دەربکەین، کە دوورن لە ڕاستییەوە و ئامانجیان بەلاڕێدابردنی بیروڕای گشتییە.
داوا لە دەوڵەتی ئێراق و وەزارەتی ناوخۆ دەکەین کە بەرپرسیارانە بەرانبەر ڕێنماییەکانی هەواڵگری تورکیا مامەڵە بکەن و جووڵانەوەکەمان بە تۆمەتی بێ بنەما نەبەستنەوە و تاوانبارانی ڕاستەقینە ئاشکرا بکەن.
هاوکات داوا لە گەلانی دیموکراسی و خۆڕاگری ئێراق دەکەین کە هەڵوێستی پتەوی بەرانبەر ئەو درۆیانە بگرنەبەر، هەروەها هەنگاو بنێن بەرانبەر بەو کردار و قسەیانەی کە هەوڵی شەرعیەتدان بە داگیرکاریی تورکیا دەدەن.
لیژنەی پەیوەندییەکانی دەرەوەی سیستەمی کۆمەڵگەی کوردستان (کەجەکە).
[1]