بە مەبەستی پیرۆزبایی لە یانەکەیان، ئێوارەی ڕۆژی دووشەممە #04-03-2024#، شاندێکی کارگێڕی یانەی وەرزشی پێشمەرگە بە سەرۆکایەتی حاکم #مەحمود ئەحمەد موڕاد# جێگری سەرۆکی یانە و م. #شێرزاد محەمەد حەسەن#ی سکرتێر و هەردوو خاتوون کەلسوم محەمەد و نەشمیل محەمەد ئەندامانی دەستەی کارگێڕی سەردانی یانەی وەرزشی ڕۆژیان کرد.
ئەمە و دوایی پێشوازی لەلایەن سەرۆک و سکرتێری یانەی ناوبراوە وە، بەڕێز جێگری سەرۆکی یانەی وەرزشی پێشمەرگە پیرۆزبایی ئەو سەرکەوتنەی لە تیمی یانەی ڕۆژ کرد کە بەشدار بوون لە پاڵەوانێتی نێودەوڵەتی گۆڵد بۆڵی سنە و هەروەک بەو بۆنەیەوە چەپکە گوڵی پیرۆزبایی پێشکەش کردن.
لای خۆشیانەوە سەرۆک و سکرتێر و ئەندامانی یانەی وەرزشی ڕۆژ سوپاسی تایبەتیی یانەی وەرزشی پێشمەرگەیان کرد بۆ ئەو بەسەرکردنەوەیەیان و یانەکەیان بە دڵسۆز و خەمخۆری وەرزش لە شاری سلێمانی و کوردستان و ئێراق دا لە قەڵەمدا.[1]