ئێوارەی ئەمڕۆ #21-07-2024#، لە سەرای سلێمانی چوارەمین پێشانگەی دۆکیۆمێنتاری وێنە دێرین و نەبیراوەکانی دیداری کەسایەتی و خانەوادە دێرینەکانی شاری #سلێمانی# کرایەوە کە لەلایەن ڕێکخراوی خانەوادە دێرینەکانی سلێمانی بە هاوکاری بەڕێوەبەرایەتی گشتی ڕۆشنبیری و هونەری سلێمانی و قەیوان گرووپ ڕێکخرابوو.
لە پێشانگەکەدا، کە بە ئامادەبوونی د. #موحسین ئەدیب# بەڕێوەبەری گشتیی ڕۆشنبیری و هونەری سلێمانی و چەندین کەسایەتی و خانەوادە دێرینەکانی سلێمانی بەڕێوەچوو، لە وتەیەکدا بەڕێوەبەری گشتی، بەناوی بەڕێوەبەرایەتی گشتی ڕۆشنبیری و پارێزگای سلێمانی و قەیوان گرووپەوە، بەخێرهاتنی میوانانی کرد و باسی لە بایەخ و گەورەیی سلێمانی کرد و ڕایگەیاند سلێمانی هەر بە گەورەیی و وەکوو پایتەخت لەدایکبووە، وەکوو پایتەختی میرنشینی بابان، بۆیە هەمیشە بە گەورەیی دەمێنێتەوە، پاشان باسی بایەخی ئەدەب و ڕۆشنبیری کرد لە سلێمانی و هەروەها پێگەی (#نالی#) و شاعیرانی تری باس کرد بەوەی کە سلێمانی بووەتە ئەم شارەی ئەمڕۆ هەمووان شانازیی پێوە دەکەین.
شایەنی باسە، چەندین فۆتۆی نەبینراو و دانسقەی خانەوادە دێرینەکانی سلێمانی لە پێشانگەکە نمایشکرابوون، کە بووە جێگای سەرنجی هەمووان.[1]
ئی بابەتۍ بە زۋانی (کوردیی ناوەڕاست - Central Kurdish) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 11 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!