کورد دلۍ چەرخەکا تاریخینە
بەشۍ: دوەسەڎ و نەوەڎ و هەشتەمە
نویستەی: #هاوڕێ باخەوان#
ساڵەو (1922ز.): چن تۊمارێ پېوەس پی ساڵېوە ئینێ وەردەسەنە:
* ساڵح زەکی ساحیبقەران بی بە قائیمقامو ئاکرێ، دماتەر وېش کەنارگیر کەردو بە نیازو یاردیدای شېخ مەحمووڎی گېڵاوە پەی سلېمانی.
* ئەحمەد هەردی شاعېر ئەچی ساڵېنە دلۍ شارو سلېمانی ئامان دنیا.
* نوری عەلی ئەمین ئەچی ساڵېنە جە شارو سلېمانی ئامان دنیا، نامبریا نویسەر بېیەن.
* ئەچی ساڵېنە، ئەفسەر و نویسەر موحەمەد قودسی جە قودس ئامان دنیا.
* شاعېر و ڕامیار مامۊسا هێمن ئەچی ساڵېنە دلۍ دەگاو (لاچین)ی ناوچەو مەهابادی ئامان دنیا.
* عەلی کەمال باپیر ئەچی ساڵېنە دیوانو مەحویش جە شارو سلېمانی وەڵاکەرڎەنۆ.
* ئەچی ساڵېنە، ئەحمەد موختار جافی شاعېر بېیەن بە قائیمقامو هەڵەبجەی.
* ئەچی ساڵېنە، خېڵو جافی خاوەنو (125) هەزار سەرە ئاژەڵۍ بېنۍ، چانېشا (10) هەزارېشان هینۍ خېڵو هاروونی بېنۍ.
* ئەچی ساڵېنە، ئیسماعیل خانی سمکۆ نامێوەش کیاستە پەی زەفەرولدەولەی، فەرماندەو داگیرکاری ئێرانی جە ئازەربایجان کە داواو مافە ڕەواکا کورڎی کەرۊن.
* داگیرکەری ئێرانی ئەچی ساڵېنە گەرەکشبۍ هۊزە کوردەکا چەک بکەرۊن.
* ئەچی ساڵېنە، عارف سائیبی شاعېر بی بە کاتېبو شېخ مەحمووڎی بەرزنجی.
* وەهارو ئی ساڵۍ، جەنگێ میانو پېشمەرگەکا کورڎی و ئینگلیزەکانە قۊمیا دلۍ دەربەڼو ڕەمکان_پشدەر، زەرەرێ فرەشان ئەو داگیرکەرا دا، چڼیین تەرمۍ و زامڎارېشا دەشتەو بتوێنی جیائاستۍ و بی بە هۊ ئانەی دلۍ شارەکڵەو ڕانیە و کۆیەینە پاکشۍ بکەران.[1]