کورد دلۍ چەرخەکا تاریخینە
بەشۍ: دوەسەڎ و نەوەڎ و نۊهەمە
نویستەی: #هاوڕێ باخەوان#
ساڵەو (1922ز.):
* وەهارو ئی ساڵۍ، سمکۊ شکاکی یۊ جە کوڕەکا وېش کیاست پەی باکۆی، تاکو پېوەڼی چەنی ڕووسەکا پتەو بکەرۊن.
* ئەچی ساڵېنە، زېبارییەکۍ ناوچەو بادینانی هۊرخېزیێ.
* ئەچی ساڵېنە، دۋۍ ئەڵمانیۍ بە نامەکانو بەرلینەر و بورخارد لوێنۍ دلۍ کوردەسانی، گەلێ چەمچۍ و کاردی و خشڵ و موورۍ ژەنانۍ و چېوۍ زیوېنېشان جەمۍ کەردێ، سەرو ئی پیشەسازییا کوردەسانی کتېبێشان بەرکەرڎەن.
* هامنو ئی ساڵېنە، ئینگلیزەکۍ ناچارۍ بیۍ فرمانو گېڵایۆ شېخ مەحمووڎی بەرزنجی جە هیندستانۆ بەرکەران و گېڵناشاوە پەی بەغڎای.
* ئەچی ساڵېنە، تۆفېق وەهبی پېوەڼییش کەرد بە شۆڕشو شېخ مەحمووڎیۆ.
* بەپاو ئامارو ئێراقی، ئەچی ساڵېنە (494007) کوردۍ و (26257) ئێزیدیۍ بیېنۍ ، داگیرکاری ئێراقی ئامارو کوردە ئێزیدیەکاش بە جیا کەرڎەن.
* ئەچی ساڵېنە، خېزیاکەو ئیسماعیل خانو سمکۆی جە وەرکۆتو کوردەسانی سەرش هۊردان.
* خېڵو هەمەوەڼییەکا نزیک بە شارەکڵەو چەمچەماڵی ئەچی ساڵېنە ڕاپەڕێنۍ، بە سەرداری کەریم فەتاح بەگو هەمەوەڼی.
* بەپاو ئاماری فەرمی داگیرکەری ئێراقی نیشتەجایا کورڎی دلۍ ویلایەتو موسڵی پانیشتینە (494007) کەسېنۍ.
* پایېزو ئی ساڵۍ، سمکۆ بانگشدا کە شاو کوردەسانییەن.
* زانای ئەنترۆپۆلۆژیسی ئەڵمانی فۆن لوشان، دلۍ کتېبێنە جە بارەو زوان و ڕەگەزیۆ باسو کورڎیش کەرڎەن.
* ئەچی ساڵېنە، ڕامیاریمەدار نووری شاوەیس ئامان دنیا.[1]