کورد دلۍ چەرخەکا تاریخینە
بەشۍ یەرەسەڎ و سی و دوەمە
نویستەی: هاوڕێ باخەوان
ساڵەو (1927ز.):
* ئینگلیزەکۍ پاگەڼێوەشان دژو شېخ ئەحمەڎی بارزانی وەڵاکەردۆ، کە گوایا شېخ گۊشتو بەرازیش حەراڵ کەرڎەن.
* وەهارو ئی ساڵۍ، چوار دەسۍ ڕېکۋزیایۍ کورڎیۍ بە نامەکانو (تاقمو کوردەسانی، کوردەسان تەشکیلات، کورد میللەت، کۊمیتەو ئیستیقلالی)، جە دامانو کەشو ئاراراتی کۆتۍ واتە و واچ پەی یۊبییەی، کە بی بە ئامیانو مەرزنارەی کۊمەڵەو وېبییەی (کۊمەڵەی خۆییبوون).
* ئاشتبییەیۆ کورد و ئەرمەنی بە میانی گېرتەی کۊمەڵەو وېبییەی.
* ئەرەمەرزنای کۊمەڵەو پەشتگیری جە پانیشتو کوردەسانی.
* بەرشېیەی گۊڤارو پەیژەی.
* ئەرەبڕیای خېڵەکانو ئەتروشی و سندی جە هامنەهەوارەکاشا بە هۊکارو جیاکەرڎەیۆ سەرحەڎەکانو میانو ئێراق و تورکیای، کە زەرەرێ فرەش پەنەیاونێ.
* بەستەی کۊگرێ گۆرەی کورڎی جە سەرنیشتو کوردەسانی کە فرەو سەرخېڵەکۍ و نیشتیمان پەروەرەکۍ کورڎیش گېرتۍ وۍ.
* ئەچی ساڵېوە، تاکو ساڵەو 1930ز. هۊرخېزیای شۆڕشو ئاراراتی بە سەرداری ئیحسان نووری جە سەرنیشتو کوردەسانی.
* ئامای دنیای نویسەر، ئەحمەڎ غەفوور.
* ئامای دنیای هونەرمەڼ کەریم کابان دلۍ گەڕەکەو شېخانی جە شارو سلېمانی، نامېش عەبدولکەریم جەلال مەحمووڎ کابانەن.[1]