ئەوەڵین نیشتوکۊمیتەو ڕاوېژی لوا ڕاوە
ڕۆدیارو چوارشەممە، (21)و مانگەو ئاوەوەرەی، سەعات (4) جە دفتەرو ڕۊجیارینە ئەوەڵین نیشتو کومیتەو ڕاوێژی لوا ڕاوە.
پېسە نیشتو ئەوەڵی، قسێ و باسێ سەبارەت بە پارېزنای زوان و فەرهەنگو هۆرامانی، ئەرکوو نویسەرا، مامۊسایە ئایینیەکې، ئەلیت و نوخبەی و... باسێ گەرم و تێر و تەسەل چی ڕاساوە بە گڕ و تینێ هۆرامیانە جە لاو بەشداراوە سەرو نۆبەتی و جیا‌جیا پېشکەش کریێ.
خەسار و خاڵە هەرۆڵێ و وەرپەنگەکې پەی گەشە و ترۆقی فەرهەنگو هۆرامانی، بەپاو وەسع و تەوانایی ئاشکرێ و دیاریێ کریێ؛ پەی لابەردەیشا باس و پەیلوایە هەمەڕەنگێ فاڕیەوە.
جە درېژەو باسەکانە بە کۊ دەنگی یاوایمێ ئا وینگا؛ نیاز هەن جە گرڎو پتانسیل و تەوانایی (گلێرگایی، ڕۊحی، ماڵی، فیزیکی و...)جە ڕاساو خزمەت بە فەرهەنگ و نەریت و کولتوور هۆرامانی سەرو بنەماو پێوەرەیی، بەرزتەرین و ئێژاتەرین هەنگامە هور‌بگېرمێ.
ئیشەڵڵا ئی نیشتێ بە بەشداری وینگا و پەیلوایە جۊراوجۊرەکا، دوۍ حۆتۍ جارێ درېژەشا هەن و ملا ڕاوە.
پەنەوازا واچمێ: هەر ئازیزێ چی بەشەنە هېز و تەوانایی ئانەیشە هەن یاردیدەر بۊ، جە وزەی و زاناییش بې بەشێما نەکەرۊ.
کومیتەو ڕاوێژوو ئەنجوومەنو ڕۊجیاری.[1]