سەوقاتیێ ئېژایانە
بە هاگاڎاریی شمەی ئازیزی مېیاونمێ، خاتوو (سروە عەزیزی) جە هەنگامێوە فەرهەنگدۆسانێ و دڵسۊزانێنە، بە دەیان بەرگێ کتیبێ کتېبیانەو هامسەری کۆچ‌کەرڎەیش؛ ڕەوانشاد (باقی سەفاری)ش پېشکەشو کتېبیانەو ئەنجومەنی فەرهەنگی ئەدەبیو ڕۊجیاری کەرڎۍ.
ئېمە ئی هەنگامې بە گەورێ و پەنەوازە مزانمې و ئاوات ئانەن ئی دڵسۊزیە بۊ بە خەیرەی نەبڕیێوە پەی ڕەوانشاڎی و ڕۊحی بەرزش ئاسوودەتەر بۊ.
خاتوو (سروە عەزیزی) پېسەو دڵسۊزێوە و ئەکتیڤێوە بواروو فەرهەنگ و ئەدەبی، هەر دەم دڵسۊزی وېش نیشانە دان و پەی گەشەو فەرهەنگی و وەڵکەوتەی بوارو ڕۊشنویریی درێغیش نەکەرڎەن.
سپاس و پەنەزانای وېما پەی ئی هەنگامە مەبارەکې ئاراسەو ڕۊحی بەرزو ڕەوانشاڎی و هەستی بەرزو خاتوو سروەی کەرمې.
ئەنجومەنی فەرهەنگی ئەدەبیو ڕۊجیاری.[1]