کورد دلۍ چەرخەکا تاریخینە
بەشۍ یەرەسەڎ و سی و هەشتەمە
نویستەی: هاوڕێ باخەوان
* بەرشېیەی کتېبو (ڕازوانو زوانی کوردی) بە دەسو تۆفیق وەهبی.
* ئەچی ساڵېنە، دکتۊر مسەفا شەوقی قازی لەتیف لوان پەی مەهابادی، تاکو لقێوە خۆییبوونی (وېمانەبییەی) ئەچاگە مەرزنۊرە، بەڵام دمای یەرۍ ساڵا پۊلیسو ئێرانی بەرش مەکەران.
* کاکە حەمەو مامە ڕەزای، ئەچی ساڵېنە دلۍ دەگاو کلکەسماقی ئامان دنیا، نامبریا یۊبۍ جە ڕابەرانو ژڵېوەو هەقەی.
* مانگەو (02) ئی ساڵېنە، شش کیانیێ کوردەکۍ کە دلۍ ئەنجومەنو پەرلەمانو ئێراقینە ئەڼامۍ بېنۍ، داواشان جە سەرشالیارگای کەرڎە کە چن داواکاریێشان هەنۍ با قەدرشان بگېران، یانی پەیشان جابەجایۍ بکەران، چانېشا: زیاڎکەرڎەی خەرجی مەعاریفی کوردەسانی و خاسکەردەی دابەشکەرڎەی کارگېڕی شارەکا.
* مانگەو (03) ئی ساڵېنە، داگیرکاری تورکی دلۍ شارو ئەرزەڕۆمی (90) نەفەرۍ کوردیشا گېرتۍ، باعزێشان قەنارە دێ، باعزەکەی تەرشان بە (15) ساڵۍ زیڼانی کەردۍ، دلۍ بەڼییەکانە کوڕو شېخ سەعیدی پیرانی (سەلاحەدین) چەنەبۍ، کە هەڵای تەمەنو زاروڵەیینە بۍ.
* دلېڕاسەو مانگەو (03) ئی ساڵېنە، گلېرکەرڎەیۆ هېزێ فرەو تورکی، پەی پەلاماردای کۊمارو ئاگری.
* مانگەو (04) ئی ساڵېنە، ئێران بە فەرمی دڎانېش نیێ دۆڵەتی تازە وەشکریای ئێراقیرە.
* تاریخو (#24-12-1929#ز.) ئاوارە بییەی کۊششکاری کوردی عوسمان سەبری_ئاپۆ ئۆسمان، بە فشارو تورکەکاوە جە سەرنیشتۆ پەی وڵاتو سووریای.[1]