جوٙریٛو واوەی دەنگی
نویستەی: #ناجح گوڵپی#
دویٛ تەکنیکیٛ هەنیٛ کە کاتو واوەی دەنگینە بەکار مەیانیٛ
یوٙ: دوبلە Dubbing، جە دەبڵ یام دویٛ چیٛویٛ، دووە توٙ، دووە دەق، یانی دویٛ دەنگیٛ دەی ملو یوٙیرە، دەنگی بنەڕەتی فلمەکەی یاگیٛش گیریێنۆ بە دەنگێوی تازەی هوٙرگیٛڵیا، دەنگی ئەسڵی فلمەکەی، هەکە پوٙژیانرە، چەنی دەنگی تازەی کە یاگیٛش گیٛرتیٛنەوە، یانی واوەی بەرهەمش ماریوە جە هەمان کاتنە، هەمان دەنگیٛ و چەنای و لچ جوڵنای. هەتا پەیما بکریوٙ مەشوٙ تەکنیکەکیٛ (دەنگ، بەرهەم، لچ جوڵنای هامکاتیٛ و هامتێ بانیٛ). جە هەرمانە دوبلەینە کەسانێوی فریٛ بەشداری مەکەرانیٛ، دەنگە بنەڕەتیەکە بەهیچ جوٙریٛ نمەژنەویوٙنە، پیٛسەو:
هوٙرگیٛڵنTranslator
کەسێ تایبە دیاری مەکەری تا کەسانێ هوٙربچنوٙ پەی ئەکتەری Adapterزانیاری مەڎوٙنە سەرو ئەکتەرەکا.
ئەکتەرو دوبلەیDubbing actor ئاکەسەنە کە جیاتی کەسی بنەرەتی دەنگەکەش مەوزی سەر.
بەرئاوەرو دوبلەی Dubbing director
ئەندازیارو دوبلەی Dubbing engineer
ئی کەسیٛ بەپاو فلمەکەی ژمارەشا مەفاڕیوٙنە، جە کەمیوە پەی فرەفرەی.
دویٛ: پوٙژنای دەنگی Voice-over، دەنگێوی هوٙرگیٛڵیا مڎەی ملو دەنگە بنەڕەتیەکەیرە، دەنگە بنەڕەتیەکە هەڵای بەکزی مەنەن، ڕەنگا گجار گوٙشت چەنە بوٙ پەشتەو دەنگە تازەکەیوە. چوار لزگیٛن، یام بە چوار تەکنیکیٛ متاومیٛ بەرهەمش بارمیٛ.
یوە: دەنگ پوٙژنای ویٛش Voice-ever itself، پەی نموٙنەی فلمێ بەڵگەنامەی هەن باسو هەوار نشینی مەکەروٙ دەنگی فارسیش هەن سەرۆ، من مەو دەنگو ویٛمش مەوزو سەر بەهەورامی، هەڵبەت ئی هەرمانیٛ جە ڕاو بەرنامەی تایبەتیوە وەشەمەکریوٙنە، مەشوٙ بەڵەدو هەرمانپەنەکەردەیش بینە.
دویٛ: گیٛڵنایۆ Narration ئەوەگیٛڵنای، لوانا پەی بیٛسارانی دیمەنێ جوان هەوارەکەو قیٛخا ئەردەشیریم گیٛرتەن بە موٙبایل، دەنگش نیەن چەنی، دمایی مەوە دەنگو ویٛم مەوزوش سەر باسو ئا هەواریە مەکەرو، دماتەر فلمێ تازە بەرمەشوٙ بە دەنگی تازەوە.یام کتیٛبێم هەن، گەرەکمەن وەسفش بکەرو بە ڤیدوٙ قسیٛش سەر مەکەرو، ویٛنەو کتیٛبەکەیچ نیشانە مڎەو. ئیسە موٙبایلەنە بەرنامە هەن متاوی دەنگ بوزی سەرو ڤیدوکەی، چە دەنگو ویٛت یام گورانییٛ.
یەریٛ: لەیەکەودای مفت Free commentary، دلیٛنێوی نویسیات هەن، بە ڤیدوٙ نیشانەش مدەی، ئیجا هەمان کاتنە بە دەنگ باسو نویستەکەی مەکەری تا پیٛوەرە فلمیٛ خاسش چەنە بەر بەیوٙ.
چوار: وەسپی دەنگی Audio description نیشتەنیرە تەماشەو تەلەفزیوٙنی مکەری دیمەنیٛ وەهارو هەورامانی هەراڵەبرمی و گاوگوراڵی نیشانە مەڎوٙ، چەولایچتەو کەسێوی کوٙر-نەوینا نیشتەنرە، ماچوٙ ئانە چیٛشەن؟ توچ باسو دیمەنەکاش پەیمکەری. مەنەنەش.[1]