کورد دلۍ چەرخەکا تاریخینە
بەشۍ یەرەسەڎ و پەنجا و پەنجەمە
نویستەی: #هاوڕێ باخەوان#
ساڵەو (1936ز.)
* هونەرمەند تایەر تۆفیق دەسش کەرد بە گۊرانی واتەی.
* چاپکەرڎەی دیوانو شېخ ڕەزای تاڵەبانی دلۍ چاپخانەو سلېمانی، کە بی بە هۊ دڵگرانی بەعزێ جە بەگزاڎەکانو جافی.
* تاریخو (#25-01-1936#ز.) مستەفا پاشای یاموڵکی کۊچی دمایینش کەرڎەن، دلۍ گەڕەکەو سەرافییەو شارو بەغڎای.
* تاریخو (#25-04-1936#ز.) بەرشېیەی ژمارە (10) گۊڤارەو ڕۊشنایی جە شارو هۆلېری.
* تاریخو (#13-05-1936#ز.) کۊچی دمایینو شېخ عومەرو شېخ ئەمینی قەراخی جە سلېمانی.
* تاریخو (#25-07-1936#ز.) تاکو (#03-09-1937#ز.) ناجی هورمزی، بی بە جاگیرو پارېزگارو سلېمانی.
* تاریخو (#29-10-1936#ز.) سەرکۆتەی کودەتاکۍ بەکر سدقی جە شارو بەغڎای، نامبریا ژەنەراڵێ کورد بۍ.
* تاریخو (#12-11-1936#ز.) کۊچی دمایینو حەمدی شاعېری جە تەمەنو (60) ساڵینە جە سلېمانی، جە زیارەتگاو سەیوانی ئەسپەردە کریان.
ساڵەو (1937ز.)؛ چن تۊمارێ پېوەس پی ساڵېوە ئینێ وەردەسەنە:
* تورکەکۍ، سەی ڕەزا و پەنج سەردارۍ خېڵەکانو دەرسیمیشان قەنارە دێ، سەی ڕەزا چېرو پەتەو قەنارەینە ماچۊ: من تەمانم (75) ساڵېن، ملونە ڕیزو شەهیدانو ڕاو کوردەسانی، دەرسیم ۋڕا، بەڵام کوردەسان و کوردەکۍ هەر بە زیڼەیی مەنان، لاوۍ کورڎی خاس مزانان چەنی هەقەمان مسانان.
* ئامای دنیای عەلی عەسکەری دلۍ دەگاو عەسکەری، نامبریا کوڕو شېخ عەبدوڵڵای، برازاو شېخ عەبدولکەریمو شەدەڵەین.
* ئامای دنیای هونەرکاری گۆرەو کورڎی یەڵماز گۆنای.
* داگیرکاری تورک پەی سەرکوتکەرڎەی شۆڕشو دەرسیمی، هەرچی جوانۍ (26، 27، 28) ساڵۍ بېنۍ گېرتېش بە سەربازو ڕەوانەو دەرسیمیش کەردۍ.
* ئامای دنیای (سەدام حوسێن)ی بە هەتیمی جە دەگاو عۆجەی سەر بە تکریتی.
* ئیبراهیم ئەحمەڎ، وانای بەشو یاسایش جە زانکۊ بەغڎای تەمامنا.
* داگیرکاری ئێراقی بە تەمامی دەسش یاوا ناوچەکانو ڕانیەی و دەسەڵاتو وېش دلېشەنە مەرزنارە، بنکێوە پۊلیسیش دلۍ دەگاو (گەناو)ینە مەرزنارە،
* خنیکنای مەحمووڎ جەودەتی، بە دەسو داگیرکاری ئێراقی.
* تورکەکۍ پەی سەرکوتکەرڎەو شۆڕشو دەرسیمی، نزیکەو (40) هەزار کوردېشان کوشتۍ.
* وەهارو ئی ساڵې، ئیبراهیم سەید ڕەزا پەی گفت و گۊی چەنی داگیرکاری تورکی لوا دلۍ بنکێ سەربازی تورکی، کاتو گېڵایۆشەنە، تورکەکۍ و چن کەسێ جە خېڵو گورگانی دەسڕېژو گرۊڵیاش وەنەمەکەران و شەهیڎش مەکەران.
* کۊتاو ئی ساڵۍ، داگیرکاری تورکی ڕاوەبەردەی سەرنیشتو کوردەسانیش دا دەسو سەربازە تورکەکا.
* مەرزنارەی کۊمەڵەو دارکەری جە شارو کەرکوکی، کە دماتەر بی بە پارتو هیوای.
* وەڵاکەرڎەیۆ تەختەخوڵینەکا ناوچەو شارباژێڕی بە دەسو (تیۆرۆ دانژین)ی.
* دکتور کامەران بەدرخان، بە یاردی هێربەرت ئورتێلی ئەڵمانی، ڕازێش بە ئەڵمانی بە نامۍ ئەمیرو کوردەسانی وەڵاکەردۆ.
* ئەفسەرێ ئەڵمانی بە نامۍ گۆتفرید یۆهانیس میولەر، نامیلێوەش بە نامۍ (وۍ فڕەدای دلۍ کوردەسانی ۋزیارەی) بە ئەڵمانی وەڵاکەردۆ.
* مەرزنارەی (پارتی یەکێتی) جە پانیشتو کوردەسانی.
* شەهیڎکەرڎەی (عەلی شێر) بە فیتو ژەنەراڵ ئالبی تورکی دلۍ مەڕەو (ئاغداد)ینە، بە دەسو ڕەهبەر نامێ کە وەچەو سەید ڕەزایەن، ئی عەلی شێرە یۊبۍ جە سەردارەکانو شۆڕشو دەرسیمی.
* خېزیای دەرسیمی بە سەرداری سەید ڕەزای جە سەرنیشت.
* ئامای دنیای د. خەسرەو مستەفا خاڵ.
* مەرزنارەی تیپێ شانۊیی کورڎی دلۍ شارەکڵەو ئەلگەزی نزیک بە یەریڤانی.
* مانگەو (02) ئی ساڵېنە، ئەحمەڎ ئاغای کەرکوکی زاڎە، بی بە کیانیاو شارو کەرکوکی دلۍ ئەنجومەنو ئێراقینە.
* مانگەو (02) ئی ساڵېنە، خدر ئەحمەڎ دزەیی بی بە کیانیاو شارو هۆلېری دلۍ ئەنجومەنو ئێراقینە.
* مانگەو (02)ئی ساڵېنە، عەبدولحەمید بەگو جافی، بی بە کیانیاو شارو سلېمانی دلۍ ئەنجومەنو ئێراقینە.[1]