ئیمام ڕەزا و میری سور
گېڵنېنێ و ۋاچېنې زەمانەو مەلیکی و خولەپیزەی، پۊلیسېۋی سوارە جە یۊ چا لادەگایا ئارۊ هەرېمیەنە، منیشۊ کابرێۋی فەقیریۆ، مدۊش ۋەنە و دلې خەڵکیەنە بېڕېزش پەنە کەرۊ و ئاپاسە. ئیجا دمای ئانەیە کابرای داخ نەدڵ بە تفەنگېۋی وەرەندڵۆ ملۊ و سەرو ڕاو پۊلیسەیەنە منیشۊرە تاکو حەقەو وېش کەرۊۋە.
پاسە مێ ۋەرۆ کە کەمینو کابرای نزیک بە زیارەتو میری سوری بۊ.
پولیسە میاۋۊ ۋەرۆ و کابرا موچنۊ، بەڵام کوتوپڕ ختورەش پەی پېدا بۊ کە چانیشانە تفەنگەکە نەیاۋۊ و یا ئېد نەپېکۊ و... پۆکەی لا چەمېۋ ۋزۊ ئۆ زیارەتەکەو میری سوری و ماچۊ: میری سور من تەقنوش و تۊ بەش کەریش قەلبشەرە.
ئیتر چەنی تەقەو کابرای پولیسە سەرو ئەسپەیۆ گنۊرە و باقی ماجەرێ. ئەڵبەت یۊ دەقېق مەزانۊ، دەسپېکی کابرای کۆتەن کەرەم و یا هیممەتو میریسوری و یا هەردۋې پېۋرە.
هیزی شەۋېچ کەیېۋ ئوروپا و ترکیە گېڵېنې شۊنەو ڕەئیسیەرە، مەرقەدو ئیمام ڕەزایەنە ئاخوندې قاڵو دۊعایاشا گەرم کەرڎە بې و هاۋارېشا بېنې تاکو بەش ئیمام ڕەزا بېیاۋۊ پۊرە و ڕەئیسی ساق و سالم بېیاۋنۊۋە ئاۋەدانی، بەڵام ئانەنە پاسە بەر ناما و ڕەئیسی و هامڕاکېش پا کەشاۋە فۆتیێ. یانې میرەسورو ناحەزا جمهوری ئیسلامی دەسش ۋست ۋەڵې و ئانەشە کەرد کە ئانا کەردش.
سیامەند هۆرامی.[1]