روژنیوز - خەتاب عومەر
دهوک
ئامارێن رێڤەبەریا بەرەڤانیا باژارێ دهوکێ، نیشان ددن کو سالا 2014 ل هەمبەر سالا 2013 روودان بەر ب کێمیێ چونه،‌ دکونگرەکە روژنامەڤانى دە ئامارێن خوە بەلاڤکرن و، دا دیارکرن سەرجەمێ روودانان ل سالا بورى 2508 روودان بونە.
نەقیب بێوار عەبدوالعەزیز، رێڤەبەرێ خولێن بەرەڤانیا باژارێ دهوکێ راگەهاند: ل سالا 2014 ل سنورێ پارێزگەها دهوکێ، 2508 روودان پەیدا بونە کو 893 ژروودانان لافاو بونە و 1615 روودان شەوات، هەڤدەم 141 رووودانێن شەواتا ترومبێلا هاتنە تومارکرن.
نەقیب بێوار، خویاکر د روودانێن 2014 دە 123 کەس بونە قوربانى کو 38 کەس ژوانان جانێ خوە ژدەست دانه،‌ 24 کەس ژى خەنقینە و 14 کەس ژى شەوتینە و 85 کەس ژى بریندار بونە.
رێڤەبەرێ خولێن بەرەڤانیا باژارى، دیارکر ژى ل سالا بورى رێڤەبەریا وان 81 خولێن فێرکرنێ و هوشیاریا وەلاتیان ڤەکرنە، وپتریا وانژى ژبو ئاوارەیان بونە.
ل سەر زیانێن تەڤایا روودانان، ژى نەقیب بێوار گوت: 9 ملیار و 430 هەزار دینارێ ئێراقى زیان ب وەلاتیان گەهشتیه،‌ ل هەمبەر سالا 2013 رێژەیا روودانێن سوتنێ و لافاوان ل سنورێ پارێزگەها دهوکێ 35% کێم کریە.[1]
#06-01-2015#