$باکووری کوردستان$
- باشاک دەمیرتاش سەردانی #سەلاحەدین دەمیرتاش#ی هاوژینی لە زینداندا کرد.[2]
- دادگەی دیلۆک-ی باکووری کوردستان سزای 16 ساڵ و 8 مانگ زیندانیکردن کە بۆ #ئیدریس بالوکەن# پەرلەمانتاری پارتی دیموکراتی گەلان - #هەدەپە# بڕابوویەوە، پەسەند کرد.[5]
- هاوسەرۆکی هەدەپە لە بانگەشەی هەڵبژاردنی پارتەکەیدا لە #ئامەد#، داوای پێکهێنانی هاوپەیمانی کوردی کرد بۆ ئەوەی دەنگی کورد پەرتەوازە نەبێت و سەرکەوتن بەدەست بهێنن.[4]
$رۆژهەڵاتی کوردستان$
- بەڕێوەبەری گشتی زانیاری (ئیتڵاعات)ی پارێزگای #سنە# ئاشکرای دەکات، لە باجی بازرگانی #کۆڵبەر#ان و دانیشتووانی ناوچە سنوورییەکان گەندەڵی ئاشکرا بووە کە بە ملیۆنان دۆلار مەزەندە دەکرێت.[1]
- ئامنستی ئینتەرناشناڵ بەبڵاوکردنەوەی ڕاگەیەندراوێک نیگەرانی دەربڕیوە لەبارەی لەسێدارەدانی ڕامین حسێن پەناهی، چالاکوانی سیاسیی کوردی سزادراو بە سێدارە.[3]
$باشووری کوردستان$
- شەوی ڕابردوو ژمارەیەک چەکدار بەجلوبەرگی سەربازییەوە هەڵیانکوتاوەتەسەر گوندی کەنعان لەباشوری شارەدێی ڕیازی سەربە #کەرکووک# و (حاجی مەحجوب) موختاری گوندەکەیان ڕفاندووە. وتیشی دوای چەند کاتژمێرێک ئەکاونتەکانی #داعش# لەتۆڕە کۆمەڵایەتییەکان وێنەی ساتی کوشتنەکەیان بڵاوکردەوەو بەرپرسیارێتییەکەیان لەئەستۆگرت.[1]=KTML_Photo_Begin=https://www.kurdipedia.org/files/relatedfiles/2018/147940/0008.JPG=KTML_Photo_Alt=وەفدی یەکێتی لەگەڵ سەدر=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/147940/0008.JPG=KTML_Photo_End=
- وەفدی یەکێتی گەیشتە بەغدا و لەگەڵ سەدر و عەبادی و مالکی کۆدەبێتەوە.[2]
- وەفدی یەکێتی نیشتیمانی کوردستان و پارتی دیموکراتی کوردستان لە بەغدا لەگەڵ #فوئاد مەعسوم# سەرکۆماری عێراق کۆبوونەوە.[1]
- هەندێک سەرچاوە باس لە ململانێی پارتی و یەکێتی دەکەن لەسەر پۆستی سەرۆککۆماری ئێراق.[2]
- ئێوارەی ئەمڕۆ، تۆپخانەکانی تورکیا ژمارەیەک گوندی شارەدێی #سیدەکان#یان لە #سۆران# بە چڕی تۆپبارانکرد و چەند فڕۆکەیەکی تورکیاش بە ئاسمانی سنورەکەدا دەسوڕێنەوە.[1]
- کاژێر 22:00-ی ئەمشەو چەکدارانی داعش هێرشیان کردووەتەسەر گوندی سلێمان وەهاب لە ناوچەی شێخ بابا. ئاسایشی گەرمیانیش دەڵێ کوژراو و بریندار هەیە.[4]
- لە بەردەم دادگای #شارەزوور# شەڕە تەقە لەنێوان دوو لایەن، کە پێشتر کێشەیان هەبووە، ڕوویدا لە ئەنجامدا کەسێک کوژرا و پێنج کەسی دیکەش بریندار بوون.[4]
- نرخی بەنزینی نۆرماڵ لە هەرێمی کوردستان 25 دینار و جۆرەکانی دیکەش نزیکەی 70 دینار بۆ هەر لیترێک بەرزبوونەتەوە، لەگەڵ گرانبوونیشی ناڕەزایەتیی شوفێر و خەڵکی لێکەوتووەتەوە.[4]
- لە شاری یاریی ماجدی مۆڵی لە هەولێر، لە یارییەکدا خوشک و برایەک و کچێکی پوریان گیانیان لەدەستدا و دوو کەسی تریش برینداربوون.[2]
$رۆژئاوای کوردستان$
- #ساڵح موسلیم#، داوادەکات هەمووان 26ی ئایار بۆ #عەفرین# بڕژێنە سەر شەقامەکان، دەشڵێت: سیاسەتە داگیرکارانەکانی دەوڵەتی تورک تایبەت نییە بە عەفرین، بەڵکو لە باشوری کوردستانیش هەر ئەو سیاسەتەیە و بە فڕۆکە هێرش دەکاتە سەر هاوڵاتیان.[3]
- شاندێکی ئیتالی کە پێکهاتووە لە چەند ڕۆژنامەنووس و سیاسەتمەدارێک بەمەبەستی چاودێریکردنی دۆخی ڕۆژئاوای کوردستان و باکوری سوریا گەیشتە ڕۆژئاوای کوردستان.[3]
- سوپای تورکیای داگیرکەر و چەتەکانی هاوپەیمانی شەوی ڕابردوو تۆپبارانی گەڕەکی شێخ مەقسوود-ی کوردنشینیان کرد لە شاری حەلەب. هاوکات تۆپبارانی شارۆچکەی کەفەر-یان کرد کە بە دووری 5کم دەکەوێتە باکووری حەلەب. بەپێی زانیارییەکان بەهۆی تۆپبارانەکە، هاوڵاتیانی سیڤیل بریندار بوون و زیانی مادی بە خانووی هاوڵاتیان گەیشتووە.[5]
$دەرەوەی کوردستان$
- سەرۆکی لیژنەی ئاسایشی نەتەوەیی و سیاسەتی دەرەوەی ئەنجومەنی شورای ئیسلامی ئێران ڕایگەیاند، ئەگەر ئەمریکا بیەوێت یارییەکە لەمە زیاتر بگۆڕێت، وەڵامی پێویست لە لایەن ئێرانەوە وەردەگرێت.[1]
- بانکی ناوەندی تورکیا لە کۆبوونەوەکەیدا، تێکڕای نرخی سوەکانی بۆ قەرزە درێژخایەنەکان لە 13.5 ەوە بەرزکردەوە بۆ 16.5%. پاش بڕیارەکەی بانکی ناوەندەی تورکیا، بەهای لیرە بەرامبەر دۆلار بەخێرایی بەرزبوەوە بۆ 4.55 لیرە بۆ هەر دۆلارێک و 5.33 لیرە بۆ یەک یۆرۆ، دوای ئەوەی ئەمڕۆ بەهای یەک دۆلار بەرزبوەوە بۆ 4.92 لیرە و یۆریەکیش بە 5.74 لیرە مامەڵەی پێوەکرا.[1]
کوردیپێدیا، ڕۆژانە (بێلایەنانە) مێژووی کوردستان تۆماردەکات...