$باکووری کوردستان$
- لە #ئامەد# لەسەر داوای پارتیی ئازادی کوردستان پاک و پارتی سۆسیالیستی کوردستان، کۆنفرانسێک لەبارەی نەخشەڕێگەی چۆنییەتی بەشداری کورد لە هەڵبژاردنی شارەوانییەکان بەڕێوەچوو.[5]
- لە کاتژمێر 01:00 نیوەشەودا لە ناوچەی بسملێ-ی ئامەد کەسێک بینای #هەدەپە#ی دایەبەر دەسڕێژی گوللە. بەهۆی ئەوەی کە هێرشەکە لەنیوەشەودا ئەنجامدراوە و بیناکەی هەدەپە چۆڵ بووە زیانی گیانی بەدواوە نەبووە وتەنیها خەسارێ مادی بەربیناکە کەوتووە.[2]
- داواکاری گشتیی ئەنقەرە دۆسیەیەکی بۆ دادگەیی کردنی هاوسەرۆکی گشتیی پارتی دیموکراتی گەلان (هەدەپە) پەروین بووڵدان، هاوسەرۆکی کۆنگرەی کۆمەڵگەی دیموکرات (#کەجەدە#) بەردان ئۆزتورک، پەرلەمانتاری ئامەدی هەدەپە ئیمام تاشچیئەر و پەرلەمانتاری دێرسمی هەدەپە عەلیجان ئۆنلو ئامادە کرد بە تۆمەتی (پڕوپاگەندە کردن بۆ ڕێکخستن).[2]
$رۆژهەڵاتی کوردستان$
- بەرەبەیانی ئەمڕۆ کاتژمێر 04:30 خولەک بەکاتی #کرماشان#، ژنێکی کورد بە ناوی شەرارە ئەلیاسی لە زیندانی ناوەندی #سنە#ی ڕۆژهەڵاتی کوردستان لە سێدارە درا.[2]=KTML_ImageCaption_Begin==KTML_StyleDiv=width:20%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156682/0008.JPG=KTML_ImageCaption_Title=شەرارە ئەلیاسی=KTML_ImageCaption_CaptionStyle=000000=KTML_ImageCaption_Caption=شەرارە ئەلیاسی=KTML_ImageCaption_End=
- مامۆستایانی قوتابخانەکانی کوردستان و ئێران ناڕەزایەتییان لە مەڕ جێبەجێ نەکردنی داخوازییەکانیان دەربڕی و مانیان گرت.[4]
- غالب حوسێنی، چالاکی کرێکاری و لە ئەندامانی کومیتەی هاوئاهەنگی بانگهێشتی ئیدارەی ئیتلاعاتی هێزە ئینتزامییەکان لە شاری سنە کرا.[4]
- هاووڵاتییەکی کورد بە ناوی حەسەن فەتحی تەمەن 27 ساڵ خەڵکی شاری #بۆکان#، کە لە سەرەتای ئەم حەوتوویەدا، لە لایەن هێزە ئیتلاعاتییەکانەوە دەسبەسەر کرابوو، بۆ لێپرسینەوە، ڕەوانەی گرتنگەی ئیدارەی ئیتلاعاتی شاری #مەهاباد# کرا.[4]
- هێزە ئیتلاعاتییەکان لاوێکی کوردیان بە ناوی سامان کەریمی تەمەن 23 ساڵ خەڵکی شاری #بانە# دەسبەسەر کرد.[7]
- #ئومید شامحەمەدی# چالاکی مامۆستایان و مامۆستای ژینگەناسیی لە شاری #دیواندەرە#، ئەمڕۆ، ڕۆژێک پاش دەسبەسەرکرانی، بۆ ئیدارەی ئیتلاعاتی سپای پاسداران لە شاری سنە ڕاگوێزرا.[7]
$باشووری کوردستان$
- کاتژمێر 09:15 فڕۆکە جەنگییەکانی سوپای تورکیا گەلیی بەدران لە ناوچەی بۆکریسکان و چەند ناوچەیەکی دیکە لە بناری #قەندیل# بۆمبباران دەکەن.[2]
- ساڵۆنی #کوردستانی نوێ# کۆڕێک بۆ ناساندن و دابەشکردنی کتێبی سینەماتۆگراف سازدەکات.[1]
- وەزیری کاروباری شەهیدان و ئەنفالکراوان ئاشکرایکرد ئەنجومەنی وەزیرانی هەرێم ڕەزامەندیداوە لەسەر خەرجکردنی بڕی 16 ملیارو 858 ملیۆن دینار بۆ خوێندکارانی کوڕو کچی شەهیدان و زیندانیانی سیاسی.[3]
- لە چوارچێوەی هەڵمەتی هۆشیاری هاتوچۆی #سلێمانی# کە لە ژێر دروشمی (ئامانجمان سزادانتان نییە، پەرۆشی سەلامەتیتانین)، سەر لەبەیانی ئەمرۆ بە هاوکاری و هەماهەنگی لەگەڵ ڕێکخراوی (هێڵی سور) زیاد لە 250 منداڵ بە هاوکاری مامۆستایان، هەر دوو خوێندنگای بنەرەتی زەڵێ و هەوارە بەرزە سەردانی بینای بەڕیوەبەرایەتی هاتوچۆی سلێمانیان کرد بە هەڵگرتنی دروشمی (تکایە بمان پارێزن) و بە چەندین دروشمی هاتوچۆی تر.[1]
- لەسەر ئەرکی کۆمەڵێک خێرخواز قوتابخانەیەکی شەش پۆلی لە شارەدێی بۆسکێنی سەر بە شارۆچکەی #ڕانیە# کرایەوە.[5]
- بە مەبەستی خێراکردنی کارەکانی نۆژەنکردنەوەی دووکانەکانی بازاڕی لەنگەی شاری #هەولێر# و گەڕانەوەی کاسبکارەکان بۆسەر کارەکانیان، کار گرووپ شەش هەزار تۆن چیمەنتۆ بەسەر خاوەن دووکانەکانی لەنگە دابەشدەکات.[5]
- کاتژمێر 3:00ی ئێوارەی ئەمڕۆ، لەبەردەم پارکی چەرمۆ، لە شارۆچکەی #چەمچەماڵ#-ی سەر بە پارێزگای سلێمانی، لەلایەن چین و توێژەکانی شارۆچکەی چەمچەماڵەوە، گردبوونەوەیەک بۆ ئیدانکردنی بڕیارەکەی ئەمریکا بۆ پاکتاوکردنی سێ سەرکردەی پەکەکە و کەجەکە، ئەنجامدرا.[6]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/156682/0012.JPG=KTML_ImageCaption_Title=چەمچەماڵییەکانیش شۆڕشگێڕەکانیان نافرۆشن=KTML_ImageCaption_CaptionStyle=000000=KTML_ImageCaption_Caption=چەمچەماڵییەکانیش شۆڕشگێڕەکانیان نافرۆشن=KTML_ImageCaption_End=
- گەنجانی #مەخموور#، بە ئەنجامدانی خۆپیشاندان، بڕیاری ئەمریکا دژی پێشەنگانی بزوتنەوەی ئازادیخوازی کورد ڕەتدەکەنەوە و بە دژی ئۆجەلان و تەواوی گەلی کورد لە قەڵەمی دەدەن و ڕاشیانگەیاند 'پێشەنگەکانی ئێمە کەرامەتی ئێمەن'.[6]
- بەهۆی زۆربوونی ڕووداوەکانی کوشتن لە هەولێر و پارێزگاکانی دیکە، #وەزارەتی ناوخۆ#ی هەرێم هەڵمەتێکی دیکە بۆ دەستبەسەرداگرتنی چەکی بێمۆڵەت دەستپێدەکاتەوە، بەرپرسێکی پارێزگای هەولێریش دەڵێت: مۆڵەت بە هەموو کەسێک نادرێت.[3]
$رۆژئاوای کوردستان$
- لە ناوچەی ئەهرەسی سەر بە کانتۆنی شەهبا مینێک تەقییەوە، لە ئەنجامدا 3 کەس بریندار بوون کە دوانیان منداڵن.[2]
$دەرەوەی کوردستان$
- نوێنەری ڕاوێژی گەلی کوردی ئەرمینیا، کوردستان کۆمیتە، نوێنەرایەتی مەجلیسی شەنگال لە ئەرمینیا، ڕۆژنامەی زاگرۆس، ڕۆژنامەی ڕێگەی تازە، ژمارەیەک زانا و ڕۆشنبیر لە ئۆفیسی کوردستان کۆمیتە کۆبونەوە لە بەیاننامەیەکی هاوبەشدا بڕیارەکەی ئەمریکایان دژ بە سێ سەرکردەی #پەکەکە# (#جەمیل بایک#، #دوران کالکان# و #موراد قەرەیلان#)شەرمەزار کرد.[4]
- دانیشتنێکی دادگای مافی مرۆڤی ئەورووپا دەربارەی کۆمەڵکوژیی دەوڵەتی تورک لە شاری جزیری باکووری کوردستان لە کاتی ڕاگەیاندنی خۆبەڕێوەبەریدا بەڕێوەچوو، دانیشتنەکە دەربارەی دۆسیەی کوشتنی دوو کەس بە ناوەکانی عومەر ئەلچی و ئۆرهان توونچ بوو، دانیشتنەکە سێ کاتژمێری خایاند و بنەماڵەی توونچ و ئەلچی ئیفادەیاندا. پارێزەران ڕەمەزان دەمیر و نەورۆز ئویسال، هەروەها زەینەب توونچ هاوژینی محەمەد توونچ-ی کە لە کاتی کۆمەڵکوژییەکە گیانی لەدەستدابوو و گولەر توونچ هاوژینی ئۆرهان توونچ ئامادە بوون. پەرلەمانتاری پارتی دیموکراتی گەلان - هەدەپە، ئایشە ئاجار باشاران و پەرلەمانتاری پێشووی هەدەپە فەیسەڵ ساری یڵدز-یش ئامادە بوون.[6]
کوردیپێدیا، ڕۆژانە (بێلایەنانە) مێژووی کوردستان تۆماردەکات...