بیرەوەریەکانی مستەفا چاوڕەش ‌

کۆنگرەی دووی یەکێتیی نیشتمانیی کوردستان

ڕۆژی 30/1/2001 لە کارگەی جلوبەرگی سلێمانی سەعات دە کۆنگرە دەستی پێکرد. یەکەم دانیشتن تایبەت بوو بەخێرهێنانی میوانەکان و بەشداربوانی کۆنگرە و دەقیقەیەک ڕاوەستان بۆ گیانی شەهیدانی یەکێتی و کوردستان. پاشان سکرتێری گشتی هەڤاڵ مام جەلال ڕاپۆرتی پێشکەش کرد. ڕاپۆرتەکە هەشتاوچوار لاپەڕە بوو، سەعات دووی دوای نیوەڕۆ تەواو بوو. یەکەم دەستەی دامەزرێنەری یەکێتی حەقیان درایە و بە زۆرینەی دەنگ هەڵبژێردرانەوە بۆ سەرکردایەتی. مام جەلالیش بە زۆرینەی دەنگ هەڵبژێردرایەوە بۆ سەرکردایەتی. هەڤاڵ کۆسرەت و هەڤاڵ بەرهەم هەڵبژێردرانەوه، لەبەر ئەوەی دوو سەرۆک وەزیرانن. هەروەها هەڤاڵ جەبار فەرمان لەبەر دووری و نەخۆشی هەڵبژێردرایەوە. ڕۆژی یەکەم کۆتایی هات.

ئەم چەند ڕۆژەی کۆنگرەش لیژنەکان بەردەوام ئیشی خۆیان دەکرد و هەر به ‌شه و ڕاپۆرتی خۆیان دەخوێندەوە.

ڕاپۆرتی مەڵبەندی ڕێکخستنی پێشمەرگە

من ڕاپۆرتی مەڵبەندی ڕێکخستنی پێشمەرگەم بۆ بەشداربوانی کۆنگرە لەسەر وەزعی ڕێکخستنی پێشمەرگه و داواکانیان خوێندەوە. تاکو ڕۆژی 15/1/2001 کۆنگرە بەردەوام بوو. لە کۆتاییدا دوا ڕۆژی کۆنگرە، بێجگە له و هەڤاڵانەی دەستی دامەزرێنەر، مام جەلال سکرتێری گشتی، هەڤاڵ کۆسرەت و بەرهەم، هەروەها جەبار فەرمان، بەم شێوەی خوارەوە ئەندامانی سەرکردایەتی به ‌ڕێژەی دەنگەکانیان هەڵبژێران.

1- مستەفای سەید قادر 925

2- فەرەیدون عەبدولقادر 888

3- عەدنان موفتی 844

4- ئەرسەلان بایز 817

5- عوسمان حاجی مەحموود 805

6- مستەفا چاوڕەش 762

7- عومەر فەتاح 724

8- شێخ جەعفەر شێخ مستەفا 721

9- ئازاد جندیانی 712

10- سەعدی ئەحمەد پیرە 706

11- مەلا بەختیار 704

12- عارف ڕوشدی 680

13- شاخەوان عباس 639

14- بورهان سەعید سۆفی 625

15- مەحموود سەنگاوی 615

16- عیماد ئەحمەد 602

17- حاکم قادر حەمە جان 593

18- کوردۆ قاسم 593

19- عومەر سەید عەلی 565

20- محەمەد سابیر 553

21- عوسمان بانی مارانی 549

22- شاڵاو عەلی عەسکەری 545

23- جەلال جەوهەر 539

24- محەمەد تۆفیق ڕەحیم 536

25- سەفین مەلا قەرە 521

26- جەمال یوسف بادینی 509

ئەم هەڤاڵانەش یەدەک بوون:

1- ڕەفعەت عەبدوڵڵا‌ حەمەڕەش

2- خەسره و گوڵ محەمەد

3- ئاسۆ ئەڵەمانی

4- ئاسۆ عەلی

5- شۆڕش ئیسماعیل

6- شەوکەت حاجی موشیر

7- ڕزگار عەلی

8- لیوا خلیل دۆسکی

9- جەمال حاجی محەمەد

10- خەسره و شێرە

دوای کۆنگرە لە ماڵەوە بووم. میوانێکی یەکجار زۆر هات بۆ لام بۆ پیرۆزبایی کە به و دەنگە زۆر دەرچووم. سەردانی هەندێک له و هەڤاڵانەم کرد کە دەرنەچوون، هەندێکیان حەق بوو دەربچن، بەڵام هەڵبژاردن و کۆنگرە دەسەڵاتی کەسی تێیدا نییە‌. سەردانی هەڤاڵ کۆسرەتمان کرد بۆ قسەکردن لەسەر هەڵبژاردنی مەکتەبی سیاسی.

دوای کۆنگرەی دووەم یەکەم کۆبوونەوەی سەرکردایەتی لە قەڵاچوالان کرا و کۆنگرە مام جەلال سەعاتێک قسەی بۆ کردین لەسەر یەکڕیزیی و یەکێتیی ناو یەکێتی و ئەم وەزعەی دوای کۆنگرە. هەڤاڵان لەسەر ئەنجامی کۆنگرە قسەیان کرد. هەندێک هەڤاڵی تازەش هاتنە کۆمیتەی سەرکردایەتی و هەندێک بوون بە یەدەک. لە هەموو کۆنگرەیەکدا لە یەکەم کۆبوونەوەی سەرکردایەتیدا مەکتەبی سیاسی هەڵدەبژێردرێت. بەڵام لە قەڵاجوالان ئەمە نەکرا. لەوە دەچوو وەزعی یەکێتی لای مام جەلالەوە ساغ بووبێتەوە. ئەوانەی دوای کۆنگرەی دوو بوون بە مەکتەبی سیاسی، هەڵبژاردنی بۆ نەکرا و هەمووشمان لەبەر یەکڕیزیی ناو یەکێتی ڕازی بووین. هەموومان لامان باش بوو. هەر له و کۆبوونەوەیەدا کارەکان دابەش کرایەوە، مام جەلال هەڵسا و چووە ژوورەکەی خۆی. یەکهیەکە بانگی کردین بۆ ئەوەی کاری تازەمان پێ بسپێرێت. یەکەم کەس هەڤاڵ مستەفای سەید قادری بانگ کرد و کردی بە جێگری خۆی لە فەرماندەیی، دووەم کەس منی بانگ کرد، وتی لام باشە بچیتەوە مەکتەبی پەیوەندییەکان و منیش قبوڵم کرد. پێشتریش لێپرسراوی مەڵبەندی ڕێکخستنی پێشمەرگە بووم. ئیتر پاش ئەوەی لە جەبهەکان دەوروتەسلیمم کرد، گەڕامەوە بۆ مەکتەبی پەیوەندییەکان.